13 янв 2015 17:02Тоҷикистон / Интихобот - 2015

Рақобати Руқияи Нурӣ бо Суҳроб Шарипов барои курсӣ дар парлумон

Ҳизби наҳзати исломии Тоҷикистон аз пешбарии номзадии Руқияи Нурӣ (Руқия Сайидова), духтари Саид Абдуллоҳи Нурӣ, муассиси ин ҳизб ба вакилии Маҷлиси намояндагони кишвар дар интихоботи парлумонии 1 марти соли 2015 хабар додааст.

Тавре аз дафтари матбуоти ҲНИТ ба “Озодагон” хабар доданд, номзадии Руқияи Нурӣ дар конфронси пешазинтихоботии бахши ин ҳизб дар ноҳияи Шоҳмансури шаҳри Душанбе аз ҳавзаи рақами 3 пешбарӣ шудааст. Ин дар ҳолест, ки қаблан Ҳизби халқӣ-демократии Тоҷикистон аз ин ҳавза Суҳроб Шарипов, вакили парлумон ва собиқ раиси Маркази таҳқиқоти стратегии кишварро номзад карда буд. Ҳизби демократии Тоҷикистон бошад, аз ҳавзаи рақами 3-и ноҳияи Шоҳмансур номзадии Аҳмадшоҳ Комилзода, рӯзноманигори шинохтаро ба вакилии Маҷлиси намояндагон пешбарӣ кардааст. Номи оқои Комилзода дар миёни номзадҳои руйхати ҳизбии ҲДТ дар ҷои чаҳорум аст.

Дафтари матбуоти ҲНИТ мегӯяд, дар конфронси бахши ҲНИТ дар ноҳияи Шоҳмансур, ки рӯзи 13 январ баргузор шуд, 37 вакил, инчунин намояндаи ҳавзаи интихоботии мазкур - Саъдихон Умаров ва корманди мақомоти иҷроияи ҳокимияти давлатии ноҳия - Наврӯз Сангинов ширкат доштанд.

Руқия Сайидова, узви Раёсати олии ҲНИТ буда, хатмкардаи Донишгоҳи байналмилалии Теҳрон ва факултаи фалсафаи ДМТ бо ихтисоси сиёсатшинос мебошад. Номи ӯ аз руйхати ҳизбӣ дар миёни 27 вакили пешбаринамудаи ҲНИТ дар мақоми 15-ум қарор дорад.
Оиладор ва соҳиби чаҳор фарзанд аст.

Мӯҳр

Хабарҳои монанд:

Авранг

ХНИТ- хизби оилави буд, акнун парлумона оилави кардани.

Ҷавоб диҳед Иқтибос Шикоят

ХИТОБ!!! Ба ракибони сиёсии РУКИЯ НУРИ!

ДУ ЧАВОНМАРДИ КУХИСТОНИ! НОВОБАСТА АЗ АНДЕШАХОИ СИЁСИАТОН АЗ ИН БОЗИ ДАСТ КАШЕД ВА РУКИЯ НУРИРО, КИ ЯК БОНУИ АРЗАНДА АСТ ПУШТИБОНИ НАМОЕД! ИН ДАР ТАЪРИХИ МИЛЛАТ МЕМОНАД!

Авранг,
Авранг,

Ҷавоб диҳед Иқтибос Шикоят

Рахмонро танкид мекунед, ки хукуматро оилави кардааст. ХНИТ хам хизби оилави шуда истодааст. Точки хамон точики мафкурааш танг боки мемонад.

Ҷавоб диҳед Иқтибос Шикоят

Салом

Хизби оилавиш кадан ку. Бо местан дигарора гап мезанан.

Ҷавоб диҳед Иқтибос Шикоят

Ба пеш

Рукиябону ба пеш пирузиатро хохонем, симои миллии зани точик, модари точикро доро хасти

Ҷавоб диҳед Иқтибос Шикоят

Эзоҳ илова кунед