10 янв 2015 12:46Тоҷикистон / Интихобот - 2015 / Сиёсат / Тема дня

Сармутахассиси Дастгоҳ бо сухангӯи ҲНИТ барои курсӣ дар парлумон рақобат мекунад

Мирзодавлат Сабуров, собиқ раиси ноҳияи Панҷи вилояти Хатлон ва сармутахассиси Раёсати кишоварзӣ ва ҳифзи муҳити зисти Дастгоҳи иҷроияи президенти Тоҷикистон барои курсӣ дар интихоботи парлумонии якуми марти соли равон талош хоҳад кард.

Номзадии оқои Сабуров аз ҷониби Ҳизби халқӣ-демократии Тоҷикистон, ҳизби ҳокими кишвар аз ҳавзаи рақами 31-и ноҳияи Қумсангир ба вакилии Маҷлиси намояндагон пешниҳод шудааст. Ёдрас мешавем, Ҳизби наҳзати исломии Тоҷикистон аз ин ҳавзаи якмандатӣ Маҳмудҷон Файзраҳмонов, сухангӯи раиси ҳизбро номзад кардааст.

Усмон Солеҳ, сухангӯи ҲХДТ рӯзи 10 январ дар суҳбат бо “Озодагон” гуфт, инчунин номзадии Ҷамшед Саидов, раиси Кумитаи иҷроияи ҲХДТ дар шаҳри Душанбе низ аз ноҳияи Синои пойтахт ба вакилии Маҷлиси намояндагон пешбарӣ шудааст. Эҳтимол меравад, номзадии Раъно Бобоева, сардори Раёсати илму маърифати Дастгоҳи президент ва Суҳроб Шарипов, вакили парлумон аз ҷониби ҲХДТ мувофиқан дар ноҳияҳои Исмоили Сомонӣ ва Шоҳмансури пойтахт ба вакилии Маҷлиси намояндагон дар интихоботи моҳи марти соли равон пешниҳод шаванд.

Мӯҳр

Хабарҳои монанд:

Истиклол

Ба Озодагон, чандин маротиба ман ахмият додам, ки шумо бисер галат менависед. Мирзодавлат Сабуров бале сармутахассис мебошанд, лекин на дар Шуъба, балки дар Раёсати кишоварзи ва хифзи мухити зист. Илтимос дар оянда ба галат рох надихед.

Ҷавоб диҳед Иқтибос Шикоят

азм

Зури бехуда миен мешканад бехуда бо инхо зурозмои накунед инхо алакай депутатойи ояндаанд намояндахои пешбаришудаи хизби хоким.

Ҷавоб диҳед Иқтибос Шикоят

Эзоҳ илова кунед