10 янв 2015 11:23Оcиёи Марказӣ / Тоҷикистон

Ҷуръати Аброр Зоҳир ва "эрод"-и Абдунабӣ Сатторзода

Сипеҳри КАРОМАТУЛЛО

Аброр Зоҳир, нависандаи тоҷик мегӯяд, майдони адабиёт фарох аст ва ҳатто дар даврони Шӯравӣ ҳам адибон фаротар аз қолабҳои ҷойдошта асар эҷод мекарданд.

Аброри Зоҳир, ки дар маҳфили “Гуфтугуи тамаддунҳо”-и Иброҳим Усмонов суҳбат мекард, гуфт, дар замони Шӯравӣ имконияти нависандагон барои эҷоди озодонаи асарҳои адабӣ камтар буд ва ҳоло, ки даврони истиқлол аст, адибон боҷуръатона асар менависанд.

Абдунабӣ Сатторзода бо нақди романи “Ёри ғор”-и Аброри Зоҳир таъкид кард, насли нави нависандагон камтар муваффақ мешаванд, то дар бараи бузургоне чун Носири Хусрав асари барҷаста ба қалам оранд. Оқои Сатторзода гуфт, дар ин роман, ки ба зиндагиномаи Носири Хусрав бахшида шудааст, камтар ҳақиқати замони шиоир тасвир шудааст ва нависанда натавонистааст фазои сиёсӣ ва фарҳангии он давронро барҷастатар ба тасвир кашад. "Аксари касоне, ки дар бораи гузаштагонамон навиштаанд, мутолиаи кам доранд. Дар ин кор танҳо касоне барор доранд, ки воқеан таҳқиқ ва шинохти дуруст доштанд. Сабаби аслии ба офаридани чеҳраи воқеаии Носири Хусрав, ки дар навиштаҳои илмӣ ва адабии худи ӯ хеле барҷаста бозтоб дорад, камтар муваффақ гардидани Аброри Зоҳир низ ба назарам дар ҳамин бошад. Ҳамаи он чизҳое, ки ӯ дар бораи Носири Хусрав ва аз забони Носири Хусрав гуфтааст, тақрибан дар сатҳи гап мондаанд ва ба дараҷаи тасвири бадеӣ нарасидаанд",-афзуд ӯ.

Раҳматилло Зоиров, раиси Ҳизби сотсиал-демократии Тоҷикистон дар ин суҳбат гуфт, нависандаҳо ва шоирони муосири тоҷик имрӯз камтар фалсафаи сиёсии замонро дар осорашон ба тасвир кашидаанд. Бо бовари ӯ, дар китобҳои дарсии макотиби миёна низ аз шеъри сиёсӣ чизеро ҷой надодаанд ва адабиёти мактабӣ ҳоло фақат иборат аз панду андарз шудааст. Ба дунболи ин Раҳматулло Зоиров таъкид кард, Аброри Зоҳир то андозае муваффақ шудааст, ки воқеоти замон ва фазои сиёсии замонашро дар асарҳояш ба қалам кашад.

Мӯҳр

Хабарҳои монанд:

Ховар пулотов

Навиштахои Аброр Зохир маро писанд аст.У сермахсул буда.дар вазъе.ки насри навини точик дорад.сарфи назар аз чанд носирони собик номии мо.дар равиши умумии ин чода ангуштнамо ва тавфикефта аст.Хароина асархои уро мо бояд кадр бикунем.Ба андешаи ман Аброр низ накд навишта метавонад.Аммо офаридани асари бадеи-таърихи кори осон нест.Худо ерат!

Ҷавоб диҳед Иқтибос Шикоят

Шурави намемонд ки бинависанд имруз ки майдон холи аст касе нест ки чизи ба чашм расанда нависад, ку нависандаву шоир ки чизе ки ба мардум лозим аст бинависад?

Ҷавоб диҳед Иқтибос Шикоят

Эзоҳ илова кунед