09 янв 2015 09:13Тоҷикистон / Ҷавонон ва варзиш / Рӯ ба рӯ

Фармони Эмомалӣ Раҳмон дар бораи ташкили ҷоизаи Президент

Эмомалӣ Раҳмон, раисиҷумҳури Тоҷикистон барои ҳавасманд кардани варзишгарони тоҷик фармон додааст, ки аз ҳисоби фондаш барои ғолибони мусобиқаҳои байналмилалӣ ҷоизаи махсус ташкил карда шавад.

Тибқи иттилои дафтари дафтари матбуоти раисиҷумҳури Тоҷикистон Ҷоизаи Президент барои ғолибон ва ҷоизадорони мусобиқаҳои байналмилалии варзишӣ аз ҳисоби маблағҳои Фонди захиравии Президент таъсис дода мешавад.

Раисиҷумҳур ба ҳукумати кишвар ду моҳ муҳлат додааст, то Низомнома ва ҳайати Комиссияи мукофотпулиҳои Ҷоизаи Президентро таҳия ва тасдиқ намояду масоили ташкилӣ, ҳуқуқӣ ва молиявиро ҳал кунад.

Ташкили ҷоизаи махсуси Президент дар ҳолест, ки сол ба сол теъдоди ғолибони мусобиқаҳои байналмилалии варзишӣ аз Тоҷикистон афзоиш ёфтааст. То ҳол танҳо Мавзуна Чориева, муштзани тоҷик барои ҷои сеюмаш дар олимпиада бо ҷоизаю мукофотпулиҳои назаррас, аз ҷумла хона дар шаҳрҳои Душанбе ва Кӯлоб қадрдонӣ шудааст.

Мӯҳр

Хабарҳои монанд:

Фирдавс

"Aз ҳисоби фондаш барои ғолибони мусобиқаҳои байналмилалӣ ҷоизаи махсус ташкил карда шавад". Аз кай боз киссаи мардум ин ҳисоби фондаш мебошад?

Ҷавоб диҳед Иқтибос Шикоят

Фирдавс,

Мувофики конун, 2% бюджети Точикистон ин Фонди Президент мебошад.

Ҷавоб диҳед Иқтибос Шикоят

Икбол

Икдоми беназир. Варзишгаронро хавасманд бояд намуд. Онхо парчамбардои миллат ва ифтихори Точикон хастанд.

Ҷавоб диҳед Иқтибос Шикоят

мухочир

.,
Фирдавс Бародар. Мо ба 2%фоиз не балки ба 50% рози хастем аз президент бошед, аммо 85% аз хешу табораш асту 15% аз мардум...

Ҷавоб диҳед Иқтибос Шикоят

Огох

Дар Мулокоти Президент бо варзишарон мохи декабри соли 2010 ин масала бардошта шуда буд ва хушбахтона ин кор анчом дода шуд. Кумаки хубе мешавад ба парчамбардорон.

Ҷавоб диҳед Иқтибос Шикоят

Эзоҳ илова кунед