08 янв 2015 12:48Оcиёи Марказӣ / Тоҷикистон

Иқрори Фарҳод Раҳимӣ дар бораи пир шудани ҳайати кадрии Академияи илмҳо

Фарҳод Раҳимӣ, президенти Академияи илмҳои Тоҷикистон 8 январ дар нишасти матбуотии Фарҳангистони улум аз норасоии кадрҳои ҷавон ва синни академикҳо нигаронӣ кард.

Ӯ гуфт, “мо иқрор будем ва иқрор ҳастем, ки ҳайати кадрии Академияи илмҳо то андозае пир шудааст ва имрӯз синни миёнаи устодони унвони илмидор дар академия аз 58-сола боло мебошад. Бо мақсади ҷавон кардани ҳайати кадрӣ мо дар сохтори академия магистратура таъсис додем, ки ба он 152 нафар ҷалб шудаанд. 80 дарсади онҳо дипломҳои сурх доранд”.

Иқрори оқои Раҳимӣ дар ҳолест, ки бархе соҳибназарон далели таваҷҷуҳи зиёд надоштани ҷавонон ба кор дар Фарҳангистони улуми кишварро дар музди кам арзёбӣ мекунанд. Инчунин ба гуфтаи онҳо, барои рушди илм дар кишвар аз буҷаи ҷумҳурӣ маблағи лозим ихтисос намеёбад.

Фарҳод Раҳимӣ, президенти Академияи илмҳои Тоҷикистон дар ин нишаст, аз дастовардҳои олимони академия ёдовар шуда, гуфт: “Нуқтаҳои дигари хотирнишони соли 2014 он аст, ки кометаи бо номи Герасименко Тоҷикистонро дар сархати расонаҳои ҷаҳон қарор дод. Бори аввал ба кометаи мазкур дастгоҳи Филе фиристода шуд ва ба Замин бисёр маълумоти муфид фиристод. Инчунин ахиран як сайёраи хурди системаи офтобӣ ба номи Гулчеҳра Қодирова, раҳбари институти астрофизика гузошта шуд”.

Мӯҳр

Хабарҳои монанд:

Олим

Мебахшед президенти Академия, о кашфи комета аз чониби Герасименко ва дигар олими украини дар кадом сол буд? Ин кашфиёт чандин сол пеш буд, на соли 2014. Ва он вакт Герасименко дар Точикистон хам набуд. Хаки дигархоро ба номи худ накунем

Ҷавоб диҳед Иқтибос Шикоят

Фарҳод Раҳимӣ

Олим,
Салом. Коментро доир ба посухи Олим мехостам чоп намоед.

Олими мухтарам, Шумо дуруст таъкид намудаед. Фикр мекунам хабарнигор нодуруст ахборро нашр кардааст. Ин комета хануз соли 1971 кашф шудааст. Аммо миссияи Розета бошад соли 2004 шуруъ ва соли 2014 ба охир расид, яъне соли 2014 ин дастгохи кайхони ба сатхи комета наздик омад ва ба ядрои он дастгохи пажухишии Филе-ро шинонд ва муддати 64 соат ба Замин доир ба хосияти физикиву химиявии ин Комета дастгохи мазкур маълумот ирсол намуд ва баъдан хомуш гардид. Эхтимоли аз нав фаъолгардии он мохи марти имсол дар назар аст. Герасименко он вакт аспирант буданд ва холо бошад корманди Академияи илмхо ва шахрванди Чумхурии Точикистон мебошанд ва дар ин миссия хамчун шахрванди кишвари мо иштирок доранд ва миссия идома меебад. Ин буд он нуктае, ки таъкид намудем. Ва бо ин дастовард бояд фахр хам кунем. Боки ба Шумо саломати мехохам.

Бо эхтиром ба Шумо,

Ҷавоб диҳед Иқтибос Шикоят

Хабарнигор

Бо иштибохи хабарнигор кометаи Герасименко дар хабар хамчун ихтироот зикр шудааст, дар холе, ки президенти Академия аз парвози Филе ба ин комета хамчун ходисаи хотирмони сол сухбат кард. Феълан ин иштибох ислоох шуд ва барои он хам аз хонанда ва хам аз Президенти Академия узр мехоҳем.

Ҷавоб диҳед Иқтибос Шикоят

Эзоҳ илова кунед