07 янв 2015 08:57Тоҷикистон / Иқтисодӣ / Тема дня

Геологи №1: 95%-и масоҳати Бадахшон омӯхта нашудааст

Мурод Ҷумъазода, сардори Саридораи геологияи назди ҳукумати Тоҷикистон барномаҳои рушди соҳаи геология дар кишварро қафомонда хонда, мегӯяд, онҳо барои рушди ин соҳа барномаи мукаммалеро ба ҳукумат пешниҳод кардаанд.

Оқои Ҷумъазода рӯзи 6 январ зимни як нишасти хабарӣ дар шаҳри Душанбе гуфт, имрӯз дар Тоҷикистон барномаҳои рушди соҳаи геология қафо мондааст: “Гуфта метавонем, ки зиёда аз 95 дарсади минтақаи куҳистони Бадахшон ягон вақт мавриди омузиши геологӣ қарор нагирифтааст. Он захираҳое, ки мову шумо имрӯз дар фонди геологӣ дорем, ҳамагӣ 10 дарсади масоҳати Тоҷикистонро ташкил медиҳад”.

Ҷаноби Ҷумъазода илова намуд, бо таваҷҷуҳ ба ин масъала Эмомалӣ Раҳмон, раисиҷумҳури Тоҷикистон низ зимни пайёми солонаи худ дар соли 2014 диққати ҳукумати кишвар ва кормандони соҳаи геологияро ба ташкили барномаи мақсадноки омузиши металҳои нодир дар Тоҷикистон барои солҳои 2015-2025 нигаронида буд. Сардори Саридораи геологияи Тоҷикистон мегӯяд, онҳо дар мувофиқа бо вазорату идораҳои дахлдор то охири соли 2014 як барномаи мукаммалеро ба Ҳукумати Тоҷикистон пешниҳод намуданд, ки мавриди баррасӣ қарор дорад.

Мӯҳр

Хабарҳои монанд:

Фирдавс

Мурод Ҷумъазода, ба Чин супоред ҳамаро меомӯзанд. Аз ӯҳдаи ин кор набаромадед.

Ҷавоб диҳед Иқтибос Шикоят

Кимиё

Аз шунидани ин хабар хело хам хушхол шудам. Яъне ки 90% бойгарии Ватани мо дар чояш будааст. Ана акнун бародарони геолог, шукри Истиклол гуфта, кор кардан даркор .

Ҷавоб диҳед Иқтибос Шикоят

беном

Оқои Ҷумъазода шумо вайа омухта Баъд омухта Хитойба фурушед...

Ҷавоб диҳед Иқтибос Шикоят

Салимшо Алимшо

"Офарин" чаноби Чумъазода. Аз афташ дар ин масъала умуман иттилоъ надори. Боигарихои бадахшонро мисли замони Шурави тайераву вертолетхои рус хар руз ба самти номаълум бурда истодаанд. Казокхо дар Мургоб нукра истихроч мекунанду ягон точикро хатто наздик шудан ба кон намемонанд. Мотициклсаворон ба харитаи геологи аз бахор то зимистон кон ба кон " тамошо" мекунанд, Харитаи канданихои фоиданокро дар Санкт Петербург экспедицияхои замони шурави бо нархи гарон мефурушанд, канадагихо даъво доранд, як катор конхои тилллову волфрамро дар Бачу ба онхо диханд, русхо мегуянд Помирро ба касе , хатто Точикистон намедихем, зеро конхоро мо кашф кардем............Илтимос, пеш аз чунин суханхоро гуфтан акаллан бо ягон нафари оддии Помир сухбат кунед, то каме ба геолог монанд шавед. Афсус................................................

Ҷавоб диҳед Иқтибос Шикоят

Эзоҳ илова кунед