05 янв 2015 10:35Тоҷикистон / Сиёсат / Тема дня

“Қафқозиҳо моҳирона тоҷиконро ба ҷангҳо ҷалб мекунанд”

Худойбердӣ Холиқназаров, собиқ вазири умури хориҷӣ ва раиси феълии Маркази тадқиқоти стратегии назди президенти Тоҷикистон имрӯз, 5-уми январ зимни нишасти матбуотӣ дар Душанбе таъкид намуд, гароиши ҷавонони тоҷик ба ҳаракатҳои ифротию ҷангҳои бегонаҳо ниёз ба омӯзиш дорад.

Холиқназаров ифротгароии ҷавононро аз масоили мубрами рӯз дар Тоҷикистон хонда, таъкид намуд, тоҷикон ба ҳаракатҳои ифротӣ асосан дар Русия ҷалб мешаванд. Ӯ афзуд, технологияи ҷалби тоҷикон ва дигар миллатҳо ба ҳаракатҳои ифротӣ, аз ҷумла "Давлати исломӣ" дар Русия хеле моҳирона роҳандозӣ шудааст. Ба гуфтаи раиси Маркази тадқиқоти стратегӣ дар раванди ҷалби тоҷикон ба ифротгароӣ дар Русия асосан қафқозиҳо даст доранд. Ӯ илова намуд, бо дастгирии Созмони амният ва ҳамкорӣ дар Тоҷикистон таҳияи Консепсияи мубориза бо ифротгароӣ дар назар аст.

Ин дар ҳолест, ки ба иттилои мақомоти Тоҷикистон беш аз 500 шаҳрванди кишвари мо дар ҷангҳои бегонаҳо иштирок доранд, ки то ҳол беш аз 50 нафарашон кушта шудааанд. Мақомоти тоҷик махсусан бозгашти ин ҷангҷӯёнро мояи нигаронӣ мехонанд, ки метавонанд дар Тоҷикистон низ нооромӣ ба бор оранд.

Мӯҳр

Хабарҳои монанд:

Ватан

Хукумати Точикистон бояд Раисони шахру нохияро вазифадор кунад, ки хар мохе хисоботи дуруст ва дакикро оиди ба кор чалб кардан чавононро пешниход кунанд. Чи корхоро анчом доданд то ки раванди мухочирати мехнатиро кам намуданд. Кадомаш, ки аз ухдаи бунёди чоийхои нави кори барои чавонон набароянд, вазифаро супоранд. Раис, Кор ва Коркун мул дар ватан, факат кордон ва корфармо намерасад.

Ҷавоб диҳед Иқтибос Шикоят

Рафик Худойберди

Дап Россия чалб шудани точикион ин сабаб нест. Сабаб ба Россия рафтани точикон - мардуми бесохиб - аст. шумо бехраташ гуед, ки хукумат чи накша дорад то чавононро дар ватан бо кор тахмин намояду ба Россия рафтани онхо монеъ шавад? Кафкозихоро аралаш накунед.

Ҷавоб диҳед Иқтибос Шикоят

Миллат

Чавононро хукумат бояд! бо кор дар дохили кишвар таъмин намояд!!! ва ин проблема баъд бо як парзадани мижа аз байн меравад. Ин аксиомаи соддаро боз чи тавр соддатар карда ба макомотдорон фахмонем???

Ҷавоб диҳед Иқтибос Шикоят

Шавкат

Агар усули суханронии як таҳлилгари боломақоми кишвар ҳамин бошад, баъд аз масулини поёнӣ чӣ гилла мекунӣ. Баробари суханронӣ сар то сар миллатро таҳқир мекунад. Гуё ин миллат то ҳадде бесаводу саргум бошад, кӣ ким кадом қафқозӣ моҳирона фиреб мекардааст. Пас агар чунин ҳам бошад чаро кушиш доред то мардуми кишвар аз саводи динӣ дур шаванд?

Ҷавоб диҳед Иқтибос Шикоят

Эзоҳ илова кунед