05 янв 2015 10:09Тоҷикистон / Интихобот - 2015 / Дидгоҳи хос / Тема дня

Шикояти ҲНИТ аз “сюрприз”-и мақомоти Қумcангир

Ҳизби наҳзати исломии Тоҷикистон (ҲНИТ) аз эҷод шудани монеаҳои сунъӣ дар рафти баргузории конфронсҳои интихоботии бахшҳои худ дар вилояти Хатлон шикоят дорад.

Маҳмудҷон Файзраҳмонов, сухангӯи ҲНИТ рӯзи 5 январ дар суҳбат бо “Озодагон” гуфт, Шӯъбаи маориф ва илми ноҳияи Қумсангир дар толоре, ки қарор буд, имрӯз конфронси интихоботии ноҳиявии онҳо баргузор шавад, бидуни огоҳияшон ҷаласа доир кардааст. Файзраҳмонов мегӯяд, баргузории ҷаласаи ҳисоботии Шӯъбаи маориф ва илм дар толори бинои “Райпо”-и ноҳияи Қумсангир дар ҳолест, ки онҳо барои гузарондани конфронси интихоботии бахшҳои ҲНИТ дар навоҳии Ҷиликӯл, Ҷалолиддини Румӣ, Қумсангир ва Панҷ дар он аз Холмурод Раҳмонов, раиси ноҳия иҷоза гирифта буданд: “Ҳангоми муроҷиати мо ба ҳукумати маҳаллӣ гуфтанд, баргузории ҷаласаи ҳисоботии Шӯъбаи маориф рӯзи 4 мувофиқа шуда ва аз сабабе, ки ҳоло на раиси дастгоҳ ва на муовинаш ҳозир нестанд, чизе гуфта наметавонанд.”

Ба қавли Маҳмудҷон Файзраҳмонов, бояд дар ин конфронс номзадии вакили ҲНИТ ба интихоботи моҳи марти Маҷлиси намояндагони Тоҷикистон аз ҳавзаи рақами 33 пешбарӣ мешуд: “Соати 11:00-и имрӯз бояд конфронси мо оғоз мешуд ва барои баргузории он рӯзи 3 январ аз раиси ноҳия иҷоза гирифта будем. Вале субҳи имрӯз мебинем, Шӯъбаи маориф ва ҳукумати маҳаллӣ барои мо як “сюрприз”-е омода кардаанду дар толоре, ки мо онро давоми се рӯз, тозаву ба таритиб даровардаем, ҷаласаи ҳисоботии худ бо иштироки тамоми муаллимони ноҳияро баргузор кардааст ва масъулини шӯъба мегӯянд, ҳоло намедонанд, ҷаласаи онҳо то кай тул мекашад.”

Ҳизби наҳзати исломии Тоҷикистон, яке аз аҳзоби умдаи мухолифи кишвар ба шумор рафта, танҳо ҳизби расмии динӣ дар Осиёи Миёна мебошад. Ин ҳизб дорои таърихи 40-сола буда, соҳиби торнамову нашрияи худ мебошад ва ба гуфтаи масъулинаш ҲНИТ беш аз 40 ҳазор узв дорад.

Акс аз рафти ҷаласаи Шуъбаи маориф ва илми ноҳияи Қумсангир

Мӯҳр

Хабарҳои монанд:

ер

Чор курпачаро пратоед дар ягон майдон гузаронед чаласаатонро. Толор кофта мегардед?

Ҷавоб диҳед Иқтибос Шикоят

adl

Boyad az kori in hukumat shikoyat nameburded chunki in kor ba onho odat shud misli kajdum. Ba pesh gufta kori hudro dawom dodan gired. Bo umedi Alloh piruzi dar pesh ast.

Ҷавоб диҳед Иқтибос Шикоят

Хайршо

Баръакс ХНИТ ба Шуъбаи маориф ва Хукумати махалли сюрпризи Соли Нави омода карда будааст. Офарин, кори савоб анчом додаанд ва набояд миннат кард. Рушди Маориф аз хама мухим аст. Ту неки куну дар Дачла андоз..

Ҷавоб диҳед Иқтибос Шикоят

омузгор

Cалом ХНИТ факад монеи барои низби шумо мешавад ё шумо монеа месозед шумо яксуву тамоми макомонхои махалли яксу хамун хизбатона исломаша аз номи хизб гиред хамааш хагз мешад мухтарам Кабири мардум мебонад шумо рост ё маорифчиён

Ҷавоб диҳед Иқтибос Шикоят

Мухочирбача

Хело хурсандам ки як хукумати бо он хама решаи бакувват дошта аз як Хизби сиёсии то инкадаР тарсу ларз дошта бошад ки пешгир ва монеаи чаласахояш мешавад . Ин боиси Ифтихор аст . ОФАРИН ХНИТ . ХУДО КУВВАТ БА ШУМО !

Ҷавоб диҳед Иқтибос Шикоят

Эзоҳ илова кунед