Девонаев: Таъсиси «Маркази ягонаи муҳоҷират» ба нафъи муҳоҷирон аст

Масоили будубош, ҳифзи ҳуқуқ ва манфиатҳои муҳоҷирони меҳнатии Тоҷикистон дар шаҳри Санкт-Петербург ва вилояти Ленингради Русия баррасӣ гардид.

---

Тавре аз Хадамоти муҳоҷирати Тоҷикистон ба хабаргузории «Озодагон» иттилоъ доданд, ин масоил зимни мулоқоти Сафиалло Девонаев, сардори Хадамоти муҳоҷират бо Елена Дунаева, роҳбари Хадамоти муҳоҷирати федералии Русия дар Душанбе матраҳ шуд.

Манбаъ афзуд, Девонаев  таъкид намудааст, ки ҳамкориҳои судманд дар самти ба танзим даровардани раванди муҳоҷирати меҳнатӣ бо Федератсияи Русия ва минтақаҳои гуногуни он густариш меёбанд. Дар ин нишаст аз меҳмонон барои ташкили «Маркази ягонаи муҳоҷират», ки дар Санкт –Петербург ҷойгир асту дар ҳимояи ҳуқуқи муҳоҷирон нақши арзанда дорад, изҳори минатдорӣ гардид. Мақсад аз таъсиси « Маркази ягонаи муҳоҷират» пешниҳоди хизматрасонӣ ба муҳоҷирони меҳнатии хориҷӣ, таъмини шароити ба расмият даровардани ҳуҷҷатҳо дар хадамоти муҳоҷирати федералии Русия ва расонидани кӯмаки амалӣ доир ба ҷалби муташаккилона ба истифодабарии қувваи кории хориҷӣ мутобиқ ба касбу ихтисосҳои зарурӣ мебошад.{jathumbnail off}

Мӯҳр