Ҷумъаи Толиб ба дастгирии ҳамкасбон ниёз дорад

Иттиҳодия ва созмонҳои рӯзноманигорони Тоҷикистон аз журналистон даъват кардаанд, ки ба хабарнигори тоҷик Ҷумъаи Толиб кӯмаки моддӣ расонанд.

---

Зимнан дар муроҷиатномаи Анҷумани миллии расонаҳои мустақили Тоҷикистон, ИЖТ ва Медиа Алянси Тоҷикистон омадааст, ки Ҷумъа Толиб  аз соли 1984 узви Иттиҳоди журналистони тоҷик буда,тайи ин муддат дар нашрияҳои мухталифи ҳукуматӣ ва мустақил кору фаъолият кардааст. Шурӯъ аз соли 2005 мавриди тафтиши мақомот қарор гирифта, бо ҳукми додгоҳи ноҳиявӣ дар вилояти Суғд барои 2 сол равонаи зиндон гардид. Баъд аз талошҳои зиёди вакили мудофеъи вай ва пуштибонии дигар созмонҳои ҳуқуқӣ пас аз 6 моҳи нигаҳдорӣ дар боздоштгоҳи муввақатии Истаравшан Ҷумъаи Толиб ба озодӣ мебарояд. Тӯли чанд соли ахир ин рӯзноманигор раҳбарии Бюрои маслиҳатдиҳӣ, сухансанҷӣ ва тадқиқоти журналистиро бар дӯш дошта, ҳамзамон муассиси нашрияи «Пайкон» буд. Вале кашида шудан ба баҳси судӣ ва бастани Бюрову нашрияи «Пайкон», ба авҷ гирифтани бемории ӯ низ таъсир гузошт. Ҳоли ҳозир Ҷумъа Толиб дар ҳолати вазнин қарор дошта, ба кӯмаки дӯстон ва ҳамкасбон ниёз дорад.

Дар поёни муроҷиатнома омадааст: «НАНСМИТ, ИЖТ ва МАТ аз кулли ҳамкасбон даъват мекунад, ки дар нисбати  сарнавишти Ҷумъаи Толиб бетараф набошанд ва ба расонидани кӯмаки молӣ ба ӯ саҳм бигиранд». Тафсилоти бештар дар нишонии www.nansmit.tj қобили дарёфт аст.{jathumbnail off}

Мӯҳр