30 дек 2014 09:49Тоҷикистон / Акс

АКС: Дастури Президент барои таҳияи нақшаи зиддибуҳронӣ дар Тоҷикистон

Эмомалӣ Раҳмон, раисиҷумҳури Тоҷикистон рӯзи 29-уми декабр дар ҷаласаи ҳукумати кишвар барои таҳияи нақшаи зиддибуҳронӣ ба масъулини тоҷик супориш додааст.

Тибқи иттилои дафтари матбуоти раисиҷумҳури Тоҷикистон Эмомалӣ Раҳмон хостори иқдоме шудааст, ки Тоҷикистонро аз таъсири омилҳои манфии беруна ҳифз кунад: “Президент дастур дод, ки барои коҳиш додани таъсири манфии омилҳои беруна ба иқтисоди Тоҷикистон нақшаи тадбирҳои зиддибӯҳронӣ таҳия ва пешниҳод карда шавад.”

Ба иттилои манбаъ зимни маҷлис нақшаи кори ҳукумат дар нимсолаи якуми соли 2015 ва тадбирҳои иҷрои қонун “Дар бораи Буҷети давлатии Ҷумҳурии Тоҷикистон барои соли 2015” тасдиқ карда шуд: “Таъкид гардид, ки барои иҷрои нишондодҳои Буҷети давлатӣ, истифодаи босамару ҳадафманди маблағҳои буҷетӣ ва коҳиш додани таъсири манфии омилҳои беруна тадбирҳои муассир амалӣ карда шаванд.”

Дафтари матбуоти раисиҷумҳур мегӯяд, ҳамчунин фармоиши Ҳукумати Тоҷикистон дар бораи таҳияи нишондиҳандаҳои Буҷети давлатӣ барои солҳои 2016-2018 ва лоиҳаи Қонуни Ҷумҳурии Тоҷикистон “Дар бораи Буҷети давлатии Ҷумҳурии Тоҷикистон барои соли 2016” қабул гардид.

Инчунин Вазорати кишоварзӣ ба раисиҷумҳур ҳисобот додааст, ки давоми 5 сол кишвар дар 53562 га боғу токзори нав бунёд ёфт, ки ин баробар ба 114,2% нишондодҳои фармони мазкур аст: “Эмомалӣ Раҳмон таъкид дошт, ки ба бунёди боғҳои интенсивӣ ва боғу токзори меваҳои содиротӣ таваҷҷуҳи зиёд зоҳир карда шавад, зеро талабот дар хориҷи кишвар ба меваю сабзавоти Тоҷикистон хеле зиёд аст. Ҳамчунин дастур дода шуд, ки аз обу ҳавои ҳозираи водиҳои Тоҷикистон пурсамар истифода бурда, дар мавсими кунунӣ ниҳолшинонӣ аз ҳозир вусъат дода шавад ва таъкид гардид, ки барои ниҳолшинонӣ аз баҳор дида ҳоло беҳтар аст.”

Мӯҳр

Хабарҳои монанд:

Муслим

""Инчунин Вазорати кишоварзӣ ба раисиҷумҳур ҳисобот додааст, ки давоми 5 сол кишвар дар 53562 га боғу токзори нав бунёд ёфт, ки ин баробар ба 114,2% нишондодҳои фармони мазкур аст""" - яъне имсол 1 млн тонна мева мегирем )))))

Ҷавоб диҳед Иқтибос Шикоят

Чи хам карда метавонистанд бечорахо ба чуз аз баланд кардани нархи хизматрасонихо ва андозхо.

Ҷавоб диҳед Иқтибос Шикоят

Dev

In guna naksharo meboist 20 sol pesh kabul mekardem.

Ҷавоб диҳед Иқтибос Шикоят

Алишер

Савол ба озодагон
Чаро мавзуи мавод чунину: "Дастури Президент барои таҳияи нақшаи зиддибуҳронӣ дар Тоҷикистон" расми асоси на худи президент, а писари уро гузоштет?
Мумкин инро чоп накунеду ба хар хол ман саволамро додам.!!!

Ҷавоб диҳед Иқтибос Шикоят

ватан

яктаи дигарашам ваъдаи картошка дода буд то хол номаълум картошкахояш пухта расида бошад ё хамаш пусидааст.

Ҷавоб диҳед Иқтибос Шикоят

шахрванди тч

ин хама хисоботи бардуругро шарм надошта бо таъриф мекунанд ки нихол шинондем , нихолхои шинондагиашон кариб 90% нихолхои сояафканд мебошад .

Ҷавоб диҳед Иқтибос Шикоят

Эзоҳ илова кунед