29 дек 2014 10:29Тоҷикистон / Фарҳангу адаб / Тема дня

Бозхонии “хити садсолаи тоҷик” аз ҷониби Файзалӣ Фозилов (САДО)

Файзалӣ Фозилов, овозхони ҷавони тоҷик, таронаи “Зулфи парешон”-ро, ки “хити садсолаи тоҷик” унвон мешавад, бозхонӣ кардааст.

Ин бозхонӣ ҳам дар ҳолест, ки имрӯзҳо даҳҳо таронаи қадимиву суннатӣ аз ҷониби овозхонони ҷавони тоҷик аз дигар суруда мешаванд, аммо шаҳомату шуҳрати қаблии онро на коста ва на афзуда метавонанд. Яке аз санъатшиносони тоҷик ба “Озодагон” гуфт, иҷрои таронаи “Зулфи парешон” дар иҷрои Файзалӣ Фозиловро дар яке аз маъракаҳо шунида, “ба гӯши худ бовар накардааст, ки ҷавонони имрӯз онро ба ин ҳадд олӣ сароида тавонанд”. Вай гуфт, бузургони мусиқии классикӣ ва ҳам саромадони мусиқии попи тоҷик, аз ҷумла Маъруфхоҷа Баҳодуров, мегуфтанд, “ҳар касе “Зулфи парешон” – ро иҷро карда тавонад, ояндаи дурахшони худро дар ҷодаи мусиқӣ муайян кард”.

“Зулфи парешон” аз таронаҳои қадимии тоҷик аст, ки асри 19-ум дар Бухоро эҷод шудааст. Муаллифи онро Левӣ Бобохонови маъруфи яҳудӣ меноманд. Ин тарона дар маҳфилҳои хосу ом зиёд садо медод ва мухлиси зиёд дошт. Санъатшиносон аз қавли Маъруфхӯҷа Баҳодуров нақл мекунанд, ин таронаро танҳо касе, ки бо салиқаи олӣ мехонд, Содирхон Ҳофизи Хуҷандӣ буд.

“Зулфи парешон” дар замони Шӯравӣ аз ҷониби овозхонони зиёд, аз ҷумла Рафаэл Толмасов олӣ иҷро шудааст, аммо иҷрои Борис Наматиев, низ овозхони яҳудӣ ба таври бесобиқа олӣ будааст. Бино ба сабтҳои интернетӣ, “Зулфи парешон”–ро марҳум Олим Бобоев ва Афзалшоҳ Шодиев низ иҷро кардаанд. Аз овозхонони ҷавон ҳам даҳҳо нафар онро бозхонӣ намудаанд.

Файзалӣ Фозилов, овозхони ҷавон зодаи ноҳияи Ваҳдат буда, аз оилаи овозхони дигари маъруфи мусиқии попи тоҷик – Сироҷиддин Фозилов аст.

Мӯҳр

Хабарҳои монанд:

Умуман кушиш кардааст. Лекин барои ин гуна сурудхоро сурудан овози бокувват доштан лозим аст. Ин дар студия ки хамин кадар овоз дошта бошад, боварии пурра дорам, ки зинда ин сурудро сароида наметавонад.

Ҷавоб диҳед Иқтибос Шикоят

мухочирзан

Пас аз Олимчон Бобоев касе бехтар насароидаст. Фирдавс Неьматов хам ичро кардаги буду...шояд дар оянда боз бехтар хонад, холо чавон аст.

Ҷавоб диҳед Иқтибос Шикоят

Рахимбек

Ҳатто кушиш накардааст. Зеро дар авҷи суруд дида мешавад, ки овозаш нопурра аст. Фирдавс Неъматов беҳтар сурудааст, ва ниҳоят бо таассурот хондааст.

Ҷавоб диҳед Иқтибос Шикоят

Dev

Rosti baroi man makul shud,hub saroidaast.SAd bor az taronahoi fachu benamaki barhe hofizoni guijo sitora, hub ast.Hub meshud ,hofizoni mo hamin guna az klassikonamon istifoda mekardand.Fark nadorad,ki tarona chand bor bozhoni shudaast, asos matn purmazmun,bo zaboni adabi saroida shudaast in ba javonhoi " bezabon" dars ast.

Ҷавоб диҳед Иқтибос Шикоят

Сафарбой

на , натавонистааст..бехтараш хамон сурдхои худро хонад..

Ҷавоб диҳед Иқтибос Шикоят

Sodikjon

Файзаличон садои худодод дорад.ва у аз худ бовар дошт ки аз ичрои ин суруд мебарояд.Чунин сарояндахо ба дастгири ниёз доранд. Файзаличон Зинда боши бародари азиз.

Ҷавоб диҳед Иқтибос Шикоят

Миллат

Хело хуб сароидааст! Офарин! Зинда намудани ин сурудро хар кас наметавонад!

Ҷавоб диҳед Иқтибос Шикоят

Содиқ

Он қадар хуб нест хонданаш. Шира надорад овоз. Бе рағбат месарояд. Барои хондани ин гуна сурудҳо тайёрии хуб дидан лозим.

Ҷавоб диҳед Иқтибос Шикоят

Anis

zindaxonii In surudro az jonibi F Fozilov didam. Behtaein Bud. Ofarin!!

Zinda xondani in Surudro az Jonibi Fayzali Fozilov Man didam va shunidam Behtarin bud.. Ofarin

Ҷавоб диҳед Иқтибос Шикоят

Эзоҳ илова кунед