23 дек 2014 10:36Дин ва зиндагӣ / Хабарҳои ҷаҳон

Интиқоди Эрдуғон аз таблиғгарони камфарзандӣ

Раҷаб Таййиб Эрдуғон, раисҷумҳури Туркия мубаллиғини камфарзандӣ ва коргирии роҳҳои ҷилавгирӣ аз бордориро хиёнат ба давлат ва мардуми кишвараш хонд.

Ӯ ин нуктаро дар арӯсии фарзанди яке аз сармоядорони бузурги Туркия, рӯзи 22 декабр баён доштааст. Эрдуғон гуфтааст, таблиғ барои ҷилавгирӣ аз бордорӣ хиёнате аст, ки метавонад боиси аз байн бурдани насли комил шавад: “Як ё ду фарзанд кофӣ нест. Барои умматро нерӯмандтар кардан ниёз ба насли ҷавони фаъол дорем. Мо ниёз дорем, ки Туркияро ба болотарин тамаддунҳои муосир расонем”.

Раисҷумҳури Туркия бо ишора ба мухолифини ҳукуматаш илова кардааст, бо таблиғи абзорҳои ҷилавгирӣ аз бордорӣ, ки насли моро аз байн мебарад, даст ба хиёнат мезананд. Ба гуфтаи ӯ, як фарзанд доштан, яъне танҳоӣ, ду фарзандӣ – рақобат, сефарзандӣ - тавозун ва чаҳорфарзандӣ, яъне осудагӣ ва ба боқӣ Худованд ҳатман расидагӣ хоҳад кард.

Раисҷумҳури Туркия қаблан низ гуфта буд, ҳар зани турк бояд се фарзанд ба дунё биёрад. Дар даҳҳаҳои охир теъдоди сокинони Туркия рӯ ба афзоиш оварда, дар ҳоли ҳозир беш аз 76 миллион нафарро ташкил медиҳад.

Мӯҳр

Хабарҳои монанд:

Muslim

Ин аст амал кардан ба гуфтаи Аллох ва расулаш саломат бошед wink

Ҷавоб диҳед Иқтибос Шикоят

Точик

Офарин чаноби Эрдугон. Банда ба ин назар хастам, ки огои Эрдугон яке аз подшохоне мебошад, ки Худованд ба у назари рахмат намудааст. Зеро дар чунин шароит пуштибонии у аз дини мубини ислом ва таблиги серфарзанди намудан кори хар кас нест. Худованд сафи хамин гуна подшохонро зиёда гардонад ва чунин подшохонро аз чашми бад дар панохаш нигод дорад.

Ҷавоб диҳед Иқтибос Шикоят

Эзоҳ илова кунед