13 дек 2014 10:16Тоҷикистон / Иҷтимоӣ / Тема дня

9 соли зиндони Раҳимов барои қаллобӣ дар фурӯши мошинҳо

Додгоҳи ноҳияи Фирдавсӣ Раҳимов Фахриддини 41-соларо ба иттиҳоми қаллобӣ зимни фурӯши мошинҳои сабукрав дар Душанбе ба 9 соли зиндони низомаш сахт маҳкум кардааст.

Тибқи иттилои додгоҳи Фирдавсӣ Раҳимов, ки соҳиби 4 фарзанд мебошад, дар гузашта низ барои қаллобиҳо дар бозори мошин 3 бор суд шудааст: “Аммо баъди раҳоӣ аз зиндон боз корашро идома додааст.”

Додгоҳи ноҳияи Фирдавсӣ мегӯяд, Раҳимов баъди раҳоияш танҳо дар соли 2013 се мошини нафарони дигарро фурӯхта, маблағашонро аз худ кардааст: “Аз ҷумла автомашинаи тамғаи «Мерседес-К»-и Алиев Фахриддин, сокини Душанберо гирифта, ваъда додааст, ки мошинашро фурӯхта 7000 (ҳафт ҳазор) долари ИМА маблағашро медиҳад. Аммо автомашинаро бурда фурӯхта маблағашро ба манфи¬ати худаш сарф кардааст ва то ҳол маблағи ҷабрдидаро барна-гардонидааст.”

Манбаъ мегӯяд, дар ҳолати дигар дар назди бозорчаи «Ҳайдариён» ба Тағоев Фирдавс, сокини Душанбе мошинаи «Даево-Нексиа»-ро дода, аз ӯ шиноснома ва 1400 доллари амрикоиро гирифта, ваъда медиҳад, ки мошинро ба номаш хоҳад гузаронд: “Аммо баъди чанде соҳиби аслии мошин омада, аз Тағоев “Нексиа”-ро гирифта меравад.”

Дар мурофиаи додгоҳӣ ҷабрдидаҳои дигар- Сатторов Даврон, Қосимов Сайдакбар, Собиров Тиллоҷон ва дигарон шаҳодат доданд, ки Фахриддин Раҳимов онҳоро низ фиреб дода, то ҳол зарарро барқарор накардааст.

Додгоҳи Фирдавсӣ мегӯяд бо назардошти ҳамаи далелҳо Раҳимовро ба 9 соли зиндон маҳкум карда, барои се сол аз ҳаққи фаъолияти соҳибкорӣ маҳрум намуд. Тибқи қарор додгоҳ ҳамчунин Раҳимов муваззаф шудааст, тамоми зарари расондаашро ҷуброн кунад.

Мӯҳр

Хабарҳои монанд: