Соли Навро ҷашн гирем ё на? Баҳс додгоҳӣ шуд!
Қазияи Элвира Султонаҳмадова, ки феълан дар додгоҳи шаҳрии вилояти Свердловск мавриди баррасӣ қарор дорад, аз он оғоз шудааст, ки ӯ санаи 25-уми декабри соли 2013 зимни як назарпурсии интернетӣ бо такя ба китоби муқаддаси Қуръон мухолифи ҷашн гирифтани Соли Нави мелодӣ изҳори назар кардааст. Дар асоси ин назари духтари мусалмон Степан Черногубов, миллатгарои рус, ки дар гузашта барои аъмоли ғайриқонунияш маҳкум низ шудааст, ба мақомоти тафтишотии Русия муроҷиат намудааст ва алайҳи Султонаҳмадова парвандаи ҷиноӣ боз гардидааст. Ба иддаои Степан Черногубов бо шарҳи худ Султонаҳмедова нисбати афроди ғайримусулмон бадбинӣ зоҳир намудааст.
Дар шарҳи баҳсбарангез Султонаҳмадова аз мусалмонон даъват кардааст, ки аз таҷлили Соли Нав, бастани лентаҳои георгӣ ва ранг кардани тухмҳо дар ҷашни Пасха худдорӣ кунанд. Элвира Султонаҳмадова изҳор доштааст, ки аз боғча кудаконро на ба Аллоҳ, балки ба Санта Клаус, Бобои Барфӣ ва чизҳои ба ин монанд моил мекунанд: “Ин чизе бештар аз фиреби кӯдакон ва таблиғи бисёрхудоӣ нест. Бо ин кор фазои атрофи кӯдаконро бо рамзҳои замони ҷоҳилият пур мекунанд.”
Султонаҳмадова давр задани гирди арчаро низ расми замони ҷоҳилият арзёбӣ намуда, таъкид кардааст, ки мусалмонон бояд танҳо гирди Хонаи Худо-Каъба давр зананд.
Барои ин назараш Султонаҳмадова дар барангехтани ихтилофи динӣ муттаҳам шудааст ва мурофиаи навбатии додгоҳияш 23-юми декабр таъин гардидааст. Ба ӯ ҷарима дар ҳаҷми 300 ҳазор рубл ё маҳрумият аз озодӣ ба муҳлати 2 сол таҳдид мекунад. Худи айбдоршаванда мегӯяд, бегуноҳ аст ва аз мавқеи худ дар мурофиаҳо ҳимоят хоҳад кард.
Александр Верховский, масъули Маркази иттилотоӣ-таҳлилии “СОВА” пайгарди ҷиноии Султонаҳмадоваро беасос медонад, чун назараш дар асоси манобеи дигар аз ҷумла китобу сомонаҳои дигар бён шудааст.
Ин дар ҳолест, ки ҳамасола дар Тоҷикистон ҳам ҷашн гирифтани Соли нави масеҳӣ мавриди баҳс қарор мегирад. Бархе аз руҳониёни кишвар Соли навро ҷашни мазҳабӣ медонанд ва таҷлили онро ба унвони ҷашни милоди Масеҳ ғайри қобили қабул медонанд. Аммо қисми дигари руҳониён ва мақомоти Тоҷикистон мегӯянд, Соли Нав ҷашни динӣ нест ва аз он ҳамчун “тағйири иқлим” таҷлил мешавад.
Ин ҳам дар ҳолест, ки соли гузшта епископи Душанбе Питирим низ дар суҳбат бо “Озодагон” гуфт, ки Соли нав Иди масеҳиён нест ва Бобои барфию барфак боқимондаи замони ҷоҳилиятанд. Ӯ гуфт, ки ин ҷашн дар даврони Шӯравӣ дар аҳди Иосиф Сталин густариш ёфта ва он ба калисо рабт надорад. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2025 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | ||||
