06 дек 2014 09:28Тоҷикистон / Дин ва зиндагӣ / Тема дня

Абдулқодирзода ҷавононро аз "ҷиҳод"-ҳои хориҷ ба “ҷиҳод” дар Тоҷикистон хонд

Сайидмукаррам Абдулқодирзода, раиси Шӯрои уламои Маркази исломии Тоҷикистон бори дигар аз ҷавонони тоҷик даъват кард, ки ба ҷои рафтан ба ҷиҳод пайи ободии ватану тарбияи фарзандон ва ҳифзу ҳимояти динашон бошанд.

Абдулқодирзода ин нуктаҳоро дар хутбаи намози ҷумъааш рӯзи 5 декабр дар Масҷиди марказии шаҳри Душанбе баён дошт. Ӯ гуфт, “ҷиҳоди мову Шумо тарбияи фарзандон ва баланд бардоштани маънавиёту одоб ва ахлоқи ҷавонон дар Тоҷикистон аст.”

Раиси Шӯрои уламои Маркази исломии Тоҷикистон таъкид кард, ин ҳама гуруҳҳое, ки ҷавонони тоҷикро ба сафи ҷангҷӯён дар нооромии кишварҳои исломӣ ба номи ҷиҳод даъват мекунанд, ҳадафашон паст кардани нуфузи дини мубини Ислом ва мусулмонон аст:

“Фирефтаи ҳар хел гуруҳҳои террористию ифротии байналмилалӣ нашавем. Ин гуруруҳҳо ҳама алайҳи мусулмону дини Ислом ташкил ва сармоягузорӣ мешаванд. Аз ин, ки ба номи ҷиҳод даъват мекунанду мебаранду меоранд, ба ҷуз дини Ислому мусулмон касе зарар намебинад.”

Ӯ бо овардани иқтибос аз суханони паёмбари Ислом (с) динро рагу пайванд ва хуни инсон хонда, аз ҷавонони тоҷик даъват кард, даст ба амалҳое назананд, ки боиси паст ва беобрӯ шудани динашон гардад.

Мӯҳр

Хабарҳои монанд:

МАРД

ээээ ИН КАС МУФТИ МИ?

Ҷавоб диҳед Иқтибос Шикоят

точик

муфти 18сола масчиднаравад ин пасткардани ислому мусалмон нест ба хамаон касонеки сурие рафтаанд дар назди ХУДО шумо чавобхохед дод .........

Ҷавоб диҳед Иқтибос Шикоят

рембо

хама гап зат ту хапкун даъвои ИСЛОМ накун

Ҷавоб диҳед Иқтибос Шикоят

Мерос

Хамин "Чиход"-хоро давлати Исроил бо Америка ташкил намуда, барои паст кардани нуфузи дини ислом ва чанг андохтани мусулмонон бо хамдигар маблагхои зиед равона намудаанд. Онхое, ки аз дину дунё бехабаранд бояд бидонанд. Дар Точикистон хазорхо гектар заминхо бекор хобидаанд, касе мехнат кардан хохад хамин заминхоро обод кунад ба чойи игвоангезию танбали. Кор мекардаги дар хамин Ватан хам кор мекунад, факат гапа кам карда, мехнат кардан даркор.

Ҷавоб диҳед Иқтибос Шикоят

Карим

Мухтарам кормандони Озодагон бисёр хохиш дар бораи Абдулкодирзода оиди хаёту фаъолияти кориаш дар алохидаги мавод омада мекардед. Каблан минатдорам.

Ҷавоб диҳед Иқтибос Шикоят

довар

Ай муфти Сайдмукарам Шумо бо ин гуфтаоятон аз сиёсат ва хивзи мусалмонон фарсакхо дуред. Биоед бехтараш даст ба сиёсат назада, дар пай таълимоти дини мубини ислом шавед вагарна худо Шуморо нахохад бахшид

Ҷавоб диҳед Иқтибос Шикоят

озод

кадом ватан кадом тарбия шумо намегузоред духтарони мо ба мактаб раванд намегузоред писарони мо ба масчид раванд аз кучо тарбия гиранд аз марку инглис,,,,,,? ояндагон шуморо нахоханд фаромуш кард онхо намегуянд ки мансабдорон бидуни имзои шумо ин карорро бароварданд,

Ҷавоб диҳед Иқтибос Шикоят

Эзоҳ илова кунед