05 дек 2014 14:30Тоҷикистон / Дидгоҳи хос

"Маҷнунҳо"-и муосир

Атохон ҒАНИЕВ

Ҷунун як навъ беморист ва мубталои онро “маҷнун” ё “девона” меноманд. Гирифтори ин беморӣ худ ба худ ҳар гуна сухан мегӯяд ва механдад ва амалҳое аз ӯ содир мешавад, ки хоси инсони солимақл нест.

Гуфтугӯи баланду садои хандаи қаҳқаҳаи духтаре дар як кӯчаи Душанбе таваҷҷуҳи роҳгузаронро ҷалб мекард. Духтар бе он ки ба касе таваҷҷуҳ кунад, гоҳе чунон баланд механдид ва гоҳе худро ба ин сӯ ва он сӯ такон дода баланд фарёд мезад. Ҳар касе аз дур рафтори духтарро мушоҳида мекард, шояд беихтиёр мегуфт: “Ҳайфи духтари барное! Бечораро шояд ҷин сироят карда бошад?” Аммо чун духтар наздик омад, маълум шуд, “ҷунун”-и ӯ на аз таъсири ҷин, балки телефони мобилӣ будааст ва фарёд задану хандаҳои баланду бемаънии ӯ таъсири тарбияи дуруст нагирифтанаш.

Аслан ин мушоҳидаи банда аст ва шояд хонандаи муҳтарам, рӯзе чанд маротиба чунин аҳволро шоҳид гардад. Гап сари он нест, ки истифодаи телефони мобилӣ дар кӯчаву хиёбонҳо нодуруст аст. Сухан сари масъалае меравад, ки мардуми мо одоби истифодаи телефони мобилиро намедонанд. Агар шумо ҳар рӯз ба воситаи нақлиёти ҷамъиятӣ ба кор ё дарс ё меҳмонӣ меравед, ба хубӣ эҳсос мекунед, ки чӣ гуна ба таъбири як дӯсти олими мо “сокинони пойхтахт” аз телефонҳои мобилӣ истифода мекунанд. Ба дараҷае баъзе аз эшон беадабу тарбиятнодидаанд, ки ҳатто вақти суҳбат фаромӯш мекунанд, ки дохили нақлиёти ҷамъиятианд ва ғайри онҳо дигарон низ ҳузур доранд. Лафзи кӯчагию аз доираи адаб берун, нозу ишваҳои бемаънӣ, дашному ҳақоратҳои қабеҳ-ҷузъе аз ин “саҳнаи дилошӯб” аст.

Тарафи дигари масъала зарари воқеии моддию маънавӣ ва ҷисмонӣ ба худи истифодабарандагони телефонҳои мобилист. Мо дар ин маврид муфассал сухан намегӯем, аммо таъкиди як нукта бамаврид аст: исрофи вақт ва молу саломатӣ дар Ислом ҳаром буда, ҳар инсон барои вақти беҳуда зоеъкарда, пули бемаврид истифодабурда ва саломатии беасос аз даст додааш ҳатман посух мегӯяд.

Табиист, ки бо ин чанд сатр дарҳол вазъият ба куллӣ дигар намешаваду ҳама одоби истифодаи телефонро (ва зимнан одоб бо ин маҳдуд намешавад) ёд намегиранд ва ба қавли як мақоли тоҷикӣ “олам гулистон” намешавад, аммо навмед ҳам нестем. Умедвор мешавем, оҳиста-оҳиста чун дигар мушкилоти ҷомеа ин мушкил низ ҳал мешавад.
Ҳамин тавр не, дӯстон?

Мӯҳр

Хабарҳои монанд:

Хама сархуй шудаги як кишри чомеъа аз хисоби пули бедарди миену бурун аз андозбанди фарзандони худро чунон чунун кардаги ки хисобаш гум.Хусусан дар пойтахт ки ба як кишлоки калон монанд аст мухити ахлоки тамоман костааст кариб ки хурмату эхтиром намон дааст.

Ҷавоб диҳед Иқтибос Шикоят

Dust

Hazor rahmat baroi makolai navistaat. Suhanhoyat durust meboshad. Mo har ruz ehsos mekunem va dar daravu kuchahoi Dushanbe mebinem in manzararo. Agar iloj boshad yak makolai digar baroi odamone ki dashnomhoi kabeh medihand navised. Tashakur.

Ҷавоб диҳед Иқтибос Шикоят

Шаҳоб

Дарди миллат.
Дарди ман аз дарди миллат,
Дарди миллат, дарди ғафлат,
Ҷо ба мағзаш шуд ҷароҳат,
Ӯ намехоҳад табобат.
Душмани худ, душмани хеш,
Дур аз меҳру рафоқат,
Бесаводи, номуроди,
Дур шуд аз мо садоқат,
Дар сарои бесароён,
Дар қатори бенавоён,
Нораво бар мо раво шуд,
Шуд раво аз норавоён,
Туркхуи, тундруи, тундгуи,
Пеша карданд порсоён,
Он расое, ки расо бӯд,
Он ҳавояш, ки сафо бӯд,
Ман з-у будам, ӯ зи мо бӯд,
Ӯ ҳамонест, порсо бӯд,
Бар ӯ мегуи чиҳо шӯд?
Аз замири хеш ҷудо шӯд,
Дар ғарибиҳо фидо шӯд,
Бевафо шӯд,
Бенаво шӯд,
Бе саро шӯд,
Бе садо шӯд,
Нораво шӯд,
Нораво шӯд.

(Шаҳоб Ҳикмат)

Ҷавоб диҳед Иқтибос Шикоят

Нозир

мухтарам кормандони Озодагон ин шармандашеърро аз коментхоятон гирифта партоед буи ганди шурави бар димогам зад дилам тоза шурида рафт.. бандаи фарчу шикам будан хуи узбаку араб буд ва афсус ки ба бархеи мо сироят кард ягон панфлет ё фелетоне дар мавзуи фарч,и беназорат ва дахони пур аз хакорати баъзе аз шахрвандони мо навишта пешкаши хонанда кунед

Ҷавоб диҳед Иқтибос Шикоят

било

акидаатон дуруст аст чунин як сахнахо факат дар Точикистони мо аст лекин агар хамватанони мо авал ба худашон ва баъд ба ватанашон ехтиром гузоранд баъди хондани матни шумо хатман ислох мешаванд

Ҷавоб диҳед Иқтибос Шикоят

Эзоҳ илова кунед