Ҳушдори “Сафина” ба Талабшо Муқимов: Аз кор озодат мекунем!

Раҳбарияти телевизиони “Сафина” ба барандаи машҳури ин шабака, Талабшо Муқимов, ҳушдор додааст, ки барои саривақт ҳозир нашуданаш ба корхона ӯро аз кор озод хоҳад кард.
Ба иттилои манбаи “Озодагон” ин ҳушдорро Муқимов баъди он гирифтааст, ки давоми се моҳи охир ба ҷои кораш дар “Сафина” ҳозир нашудааст. Ӯ дар шарҳи ҳозир нашуданаш ба кор изҳор доштааст, ки ба наворгирии филми наваш-"Бедил" машғул аст.
Манбаъ мегӯяд, то ҳол роҳбарияти шабака ба Муқимов танҳо ҳушдор додааст, вале расман қарори аз кор рондани Муқимовро имзо накардааст.
Ин ҳам дар ҳолест, ки аввали соли равон низ роҳбарияти телевизиони “Сафина” Талабшоҳ Муқимов ва Таҳмина Раҷабова, ки барномаи солинавии ин шабака зери унвони “Пайки Сафед”-ро барандагӣ кардаанд, барои хандаҳои бемавқеъ ва зиёд танбеҳ дода буд.
Талабшоҳ Муқимов аз барандаҳои маъруфи “Сафина” буда, барномаҳои “Мумтоз”, “Паймон” ва чанди дигарро барандагӣ кардааст. Ӯ ҳамчунин дар соҳаи истеҳсоли филм низ фаъолият карда, филми “Беҳуда хорам мекунӣ”, маҳсули эҷодиёти ӯ дар соҳаи синамо мебошад.
Мӯҳр
ТАҚВИМ
« Апрел 2025 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 | 6 |
7 | 8 | 9 | 10 | 11 | 12 | 13 |
14 | 15 | 16 | 17 | 18 | 19 | 20 |
21 | 22 | 23 | 24 | 25 | 26 | 27 |
28 | 29 | 30 | |