Қирғизҳои боздоштшуда дар ивази як шаҳрванди Тоҷикистон ба Бишкек истирдод мешаванд

Тоҷикистон омодааст, шаҳрвандони боздоштшудаи қирғизро ба кишварашон истирдод кунанд.

---

Дар ин бора сардори раёсати мубориза алайҳи ҷӣноёти муташаккили ВКД генерал Ҷӯрахон Зойиров иброз дошт.Тибқи иттилои ӯ, айни замон бо мақомоти Қирғизистон дар бораи истирдоди эшон ба Бишкек ва дар ивази онҳо бозпас гирифтани як маҳбуси фирории тоҷик, ки дар Қирғизистон дастгир шудааст, ҳаллу фасл мешавад.

Маврид ба ёдоварист, шаби 14-уми сентябр зимни як амалиёти муштаракаи мақомоти интизомии Қирғизистону Тоҷикистон  се нафар аз шаҳврандони ин кишварро, ки дар пайгарди қонунӣ қарор доштанд, дар Душанбе боздошт карда буданд. Зимнан, Қодрибек Досонови 40 сола, муллақаб ба “Ҷинго”, яке аз афроди боздоштшуда аз ҷумла дар таҳияи қатли раҳбари қаблии идораи раёсати ҷумҳурии Қирғизистон муттаҳам шудааст.

Дар ҳамин ҳол ВКД иттилоъ додааст, ки яке аз сокинони Тоҷикистон барои пинҳон кардани афроди ҷиноятпешаи қирғиз дар Тоҷикистон кӯмак кардааст ва ҳоло ӯ мавриди ҷустуҷӯи мақомот  қарор дорад.

Ҳамчунин, Чингиз Ҷумагулови 25-сола яке дигар аз се фарди боздоштшудаи қирғиз барои убури ғайриқонунӣ аз марз низ муттаҳам шуда ва қарор аст, ки ӯро ба кумитаи амнияти давлатӣ супоранд.{jathumbnail off}

 

Мӯҳр