02 дек 2014 14:40Тоҷикистон / Тема дня

Генерал Раҳимзода фармони таъини раиси нави Хоруғро қироат кард

Рамазон Раҳимзода, вазири умури дохилии Тоҷикистон дар мулоқот бо фаъолони ҷомеаи шаҳрвандии Хоруғ фармони нави раисиҷумҳур, Эмомалӣ Раҳмонро қироат кард, ки тибқи он Қимматгул Алибердиева раиси нави шаҳри Хоруғ таъин гардид. Алибердиева дар гузашта ба ҳайси ноиби аввали раиси Кумитаи занон ва муовини раиси вилояти Бадахшон фаъолият доштааст.

Тавре аз Вазорати умури дохилӣ ба “Озодагон” иттилоъ доданд, дар пайи қироати фармони нави раисиҷумҳур, ки 2-юми декабри соли 2014 содир шудааст, Раҳимзода бо фаъолони ҷомеаи шаҳрвандии Бадахшон дар бораи зарурати баланд бардоштани нақши зан ва пешбарии онҳо ба мансабҳои давлатӣ суҳбат кард.

То ҳол раҳбарии шаҳри Хоруғро Фаромуз Имомбердиев ба уҳда дошт, бо фармони нави раисиҷумҳур ба вазифаи машваратчии шуъбаи амнияти ҷамъиятии Дастгоҳои Шӯрои амнияти Тоҷикистон таъин гардид. Ӯ қаблан бо нашри матлабе мақомоти ҳифзи ҳуқуқи кишварро дар сар задани ҳаводиси моҳи майи соли ҷорӣ дар ин минтақа то ҷое айбдор донистааст. Вай дар матлабе, ки дар “Садои мардум”, нашрияи расмии парлумони Тоҷикистон, ба чоп расонд, гуфта буд, дар ҳодисаи 21 майи шаҳри Хоруғ, ки 5 нафар кушта бар ҷой гузошт, мақомоти ҳифзи ҳуқуқи кишвар беайб нестанд.

Ба гуфтаи Имомбердиев, баргузории чунин як амалиёт дар рӯзи равшан ва дар маркази шаҳри Хоруғ аз бесалоҳиятии мақомоти ҳифҳи ҳуқуқ хабар медиҳад. “Дар рух додани қазияи моҳи майи соли равон мақомоти ҳифзи ҳуқуқ чандон бегуноҳ нестанд. Онҳо то андозае бесалоҳиятии худро нишон доданд. Набояд дар рӯзи равшан, дар маркази шаҳр, дар байни издиҳоми мардум амалиёти боздоштро пиёда мекарданд”,-навишта буд, собиқ раиси шаҳри Хоруғ.

Мӯҳр

Хабарҳои монанд:

Парвиз

ОЗОДАГОН ИЛТИМОС ДАРХОСТИ МАН ХАМИН,КИ ОЛИМПИАДАИ ФАННИ ДАР НОХИЯХО РАФТА ИСТОДААСТ ЯК ТАТКИКОТ БАРЕД. ФАРЗАНДОНИ КАМБАГАЛОНИ БОСАВОДРО ХАМААШРО АФТОНДАНД (НАГУЗАШТАНД) АЛЛАЛХУСУС ДАР НОХИЯИ СИНО, КИ ДАР МАТАБИ 92 ГУЗАШТ . РУЗИ 4.12.14 АПИЛАЦИЯ ДОДАН САР МЕШАВАД. ИЛТИМОС ЯК ЧОРА БИНЕД. ДАР МАВЗУЪИ ШУМО ДАХЛ НАДОРАДУ АММО ЯК НИВИСТАМ ДА . ШОЯД КУМАК МЕКАРДЕД

Ҷавоб диҳед Иқтибос Шикоят

Азиз

Хамин генерала гуед таткикот мебарад. Лекин хамааш дуруг аст олимпиадахо.

Ҷавоб диҳед Иқтибос Шикоят

Мактаби №24

Рост мавзуи хело мухим аст. Дар нохияи мохам нохакихо зиёданд. Рост хамин мавзуъро бинед

Ҷавоб диҳед Иқтибос Шикоят

дуст

хидматхои акаи Фаромуз барои миллату чамъият ва суботи Точикистон хамто надорад, шахсияти ватандуст, сарсупурда, итоатгари конун, бофархангу босавод аст. Зихи, акои азиз!

Ҷавоб диҳед Иқтибос Шикоят

Бадахши

Агар макомотхои кудратиро акаи Фаромуз айбдор намекард дар вазифааш мемонд. Хамин аст такдири инсони ростгу.

Ҷавоб диҳед Иқтибос Шикоят

Бадахши

Хело хизматхои "хуб" кард акаи Фаромуз. Дар шахри безамин хамаи чойхои ба майдончахои кудакон ва тротуархо чудошударо фурухт. Нархи як гаражчой 2000 доллар. Кор ба чое расид , ки истгохоро ба фурухтан сар кард. Мисол: истгохи Чорбоги маркази шахр. Агар намегирифтанд дар шахр ягон остановка намемонд.

Ҷавоб диҳед Иқтибос Шикоят

Эзоҳ илова кунед