28 ноя 2014 11:05Тоҷикистон / Акс

АКС: Агентӣ бар ивази 420 сомонӣ ҳавлирӯб мекобад

Дар ярмаркаи ҷойҳои кори холӣ, ки субҳи имрӯз, 28 ноябр дар назди бинои Сирки шаҳри Душанбе оғоз гардид, беш аз 2 ҳазор ҷойи кори холӣ пешниҳоди сокнинон гардидааст.

Сафаралӣ Ҳакимов, як масъули Агентии меҳнат ва шуғли аҳолӣ дар сӯҳбат ба “Озодагон” гуфт, дар ин ярмарка дар бахшҳои гуногун, аз қабилӣ саноат, сохтмон, нақлиёт ва алоқа, тандурустӣ, маориф, манзилию комуналӣ ҷойҳои кори холӣ пешниҳод шудаанд: “Музди миёнаи маош 662 сомониро ташкил медиҳад ва аз 2040 ҷойи кори холӣ, 835 тояш ба ихтисоси занона рост меояд”.

Дар ярмакаи мазкур, ки бо ташаббуси Агентии меҳнат ва шуғли аҳолӣ ташкил гардидааст, бештар афроде бо ихтисоси кафшергари барқӣ (музди меҳнат 1000 сомонӣ), “бетоншик” (800 сомомонӣ), ороишгар (800), ресанда (800-1000), бофанда (500-1000), боғбон (315-500), ронанда (376), ҳавлирӯб (420), корманд дар бахши кабудизоркунӣ (420), духтури оилавӣ (593), духтури рентген (817 сомонӣ) ҷои кор пешниҳод шудааст.

Тибқи иттилои Агентии меҳнат ва шуғли аҳолӣ соли равон дар ҳудуди шаҳри Душанбе 15 ярмаркаи ҷойҳои кори холӣ баргузор шуда, тавассути онҳо наздики 600 нафар ба ҷои кор таъмин шудаанд.

Мӯҳр

Хабарҳои монанд:

Шахрванд

Исмоили заврони ном муйсафеди хушзавке хаст.Вакте. ки солҳои баъдиҷанги ӯро ба сафи Армияи совети даъват карда ба Сахалин мебаранд, ӯ бори аввал як борши камравгану бе сабзавотро дар ошхонаи сарбози хурдаистода, кошукро мебардораду он оби раббаноро бозгашта ба коса рехтаистода мегуяд: "Ох, Хукумати шуро, ту бо хамин шуллонат саллотдори мекуни?" Ба гуфти ӯ, магар бо 400 сомони зиндаги карда мешавад?

Ҷавоб диҳед Иқтибос Шикоят

чиновник

Мара як обедум 420 сомонияй.

Ҷавоб диҳед Иқтибос Шикоят

662

662 сомон барои 1 хафта басандаги мекунад?

Ҷавоб диҳед Иқтибос Шикоят

nosi

Офарин ба кормандони Агентии мехнат ва шугли ахоли, ки худ на кам аз 500-600 сомони маош мегиранду нозу нузи хар гуна афрод аз як тарафу нозу нузи корхонахоро барои иштирок дар ярмаркаро аз дигар су боз тахаммул мекунанд, бар ивази мехнатхо дар ташкили ярмарка, ба чои рахмат тахкиру маломат ва масхара мешунаванд. Рохбарони Агентиро мебояд дар сари ин масъала заррае фикр намоянду, чунин ярмаркахои бемаънии меъроси дигар рохбаронро на хар мох балки дар 3-4 мох маротибае бо тайёрии чидди гузаронанд агарчи хоханд бехбудии корро.

Ҷавоб диҳед Иқтибос Шикоят

Ардаш

Ин кордихандахо ба кучояшон фикр мекарда бошанд....Ба ин маош хара хандаю буза бозиш меояд. Тамоми мардума ба Русия рахсипор мекунанд.

Ҷавоб диҳед Иқтибос Шикоят

шухрат

Аз хама хандаовараш он аст,ки ба хамин вазифахоям шумо сохиб шуда наметавонед.Вакте,ки мехохед ба кор дароед,бо сад бахона боз ба хамин вазифахо намегиранд.Бовар намекунед?

Ҷавоб диҳед Иқтибос Шикоят

Эзоҳ илова кунед