26 ноя 2014 14:35Тоҷикистон / Иқтисодӣ / Рӯ ба рӯ / Дидгоҳи хос / Тема дня

Парлумони Тоҷикистон барои наҷоти “Барқи тоҷик” аз баҳри 30 миллион гузашт

Маҷлиси намояндагони Тоҷикистон бо қабули як қарор ба хотири “наҷот”-и ширкати “Барқи тоҷик” масъулини “Сангтуда-1”-ро аз пардохти 30 миллион сомонӣ аз ҳисоби қарзи андоз озод кард.

Ин қарорро намояндагони мардумӣ рӯзи 26 ноябр ҳангоми баррасии лоиҳаи қонун дар бораи ворид намудани тағйиру иловаҳо ба қонуни ҷумҳурии Тоҷикистон “Дар бораи буҷети давлатӣ дар соли 2014” қабул карданд. Ҷамолиддин Нуралиев, муовини аввали вазири молияи Тоҷикистон, ки ин лоиҳаро муаррифӣ мекард, гуфт, он ба хотири беҳбуд бахшидани вазъи молии ширкати “Барқи тоҷиқ” аз сӯи ҳукумат пешниҳод шудааст.

Ба гуфтаи ӯ, ҳоло ҳаҷми қарзи “Сангтуда 1” дар назди буҷаи давлат аз рӯи андозҳо то 1 ноябри соли равон ба беш аз 25 миллион сомонӣ расидааст ва далели боло рафтани қарзи ин ширкат дар назди буҷа пардохт нашудани ҳаққи нерӯи барқи гирифтаи “Барқи тоҷик” арзёбӣ мешавад. Нуралиев дар шарҳи гуфтаҳояш илова намуд, ҳоло “Барқи тоҷик” аз “Сангтуда-1” беш аз 418 миллион сомонӣ қарздор аст ва аз ин рӯ, неругоҳ наметавонад, ҳаққи андозро ба буҷаи давлат сари вақт пардохт намояд. Дар идома Рустам Раҳматзода, раиси ширкати “Барқи тоҷик” низ қабули ин қарорро ба нафъи ниҳоди зертобеаш хонда, изҳор дошт, агар намояндагони мардумӣ “Сангтуда-1”-ро аз пардохти 30 миллион сомонӣ озод кунад, масъулини ин неругоҳ 30 миллион сомонии қарзи “Барқи тоҷик”-ро низ кам мекунанд.

Мӯҳр

Хабарҳои монанд:

Равшан

Хами парлумони мо аз бахри хами Барки точикам мегузашт намешуд. Як таклиф дорам то пурра бархам хурдани лимити барк ширкати Барки точик-ро бархам диханд, зеро ки барк набошад ин ширкат чи даркор аст бародарон

Ҷавоб диҳед Иқтибос Шикоят

ватан

ман хайронам чаро барки точик аз андоз озод мешавад дар холе ки ин ширкат маблаги даромадашро кучо мекунад ба чи сарф мекунад. пуле аз мардум чамъ кардаро дар киссаи худ чо карда мошинхои кимат мехаранд шармандаги.

Ҷавоб диҳед Иқтибос Шикоят

Фархори

Дар сохаи Барк дар давлат ягон одам кор менка? 418миллион аз кучо пайдо шуд? ба кисаи ки рафт? ки хурду ки пушид? 30милиона бахшиданду Лекин барои халки Точик ки сутуни давлатро ташкил мекунанд нархи куваи баркро 2 дирам карда натавонистанд бал ки 530% баланд бардоштанд. Аввал 2 дирам буд бад 12,6 дирам карданд. Нархи обро низ баланд карданд. БО ДАЪВОИ КОРМАНДИ ШОИСТАИ МУСАЛМОН БУДАНШОН МЕКУНАНД. Лекин номусалмон (Япония) андозро барои халкаш 10% баланд накард ки халкашро зураш миояд.

Ҷавоб диҳед Иқтибос Шикоят

дилсухта

хой чиновнико о пули аз мардум руенидаи барк кучо меравад!?

Ҷавоб диҳед Иқтибос Шикоят

хабар

Барки точик мегуяд, ки баркро ба нархи 14-15 дирам барои 1 кВт аз неругоххо харида ба мардум 10,5 -акнун 12 дирами мефурушад. Аммо чанде пеш гуфтанд ба Киргизистон 4-5 дирами мефурушанд ачоиб торикихое дар ин торики

Ҷавоб диҳед Иқтибос Шикоят

кунчков

Парлумоне ки ба хотири гурухи муайяни дуздхои барки точик аз бахри 8 млн ахоли гузаштааст, хеч боке нест ки агар аз бахри кадом маблаге гузар кунад....

Ҷавоб диҳед Иқтибос Шикоят

Эзоҳ илова кунед