26 ноя 2014 09:28Тоҷикистон / Иҷтимоӣ

Тақозои созмонҳои ҷамъиятӣ аз ҳукумат барои лағви пешнависи қонун

Ҳудуди 70 созмони ҷамъиятии Тоҷикистон аз ибтикори Вазорати адлия дар робита ба танзим ва маҳдуд кардани пуштибонии молӣ аз ҷониби манбаҳои хориҷӣ изҳори нигаронӣ кардаанд.

Ин созмонҳо бо нашри як мактуби дастаҷамъӣ гуфтаанд, “мо эътилофи созмонҳои ҷомеаи маданӣ дар мавриди ибтикори ахири давлати Тоҷикистон барои танзим ва маҳдуд кардани дастрасии созмонҳои ғайридавлатӣ ба кумакҳои молӣ аз манобеи хориҷӣ ва байналмилалӣ нигарон ҳастем”.

Ин баёнияи созмонҳои ҷамъиятии Тоҷикистонро “Иттиҳодияи байналмилалии ҳуқуқи башар” ё FIDH ҳам нашр кардааст. Онҳо дар идома гуфтаанд, “пешнависи қонун, ки феълан дар баррасӣ қарор дорад, хилофи меъёрҳои байналмилалӣ дар ростои ҳақи озодии анҷуман ва ба хатар андохтани кори созмонҳои ғайридавлатӣ мебошад”.

Созмонҳои ҷамъиятӣ аз ҳукумати Тоҷикистон тақозо кардаанд, пешнависи қонун “Дар бораи иттиҳодияҳои ҷамъиятӣ”-ро, ки Вазорати адлия таҳия кардааст, лағв кунад ва “ба ҳақи созмонҳои ғайридавлатӣ барои дастрасии бемамоният ба буҷа, аз ҷумла аз манобеи хориҷӣ, эҳтиром бигузорад”.

Ахиран, зимни баргузории як ҳамошии байналмилалии “Озодии баён ва Тоҷикистон- Конфаронс барои ҷомеаи маданӣ” дар пойтахти кишвар ҳам намояндаҳои бархе созмонҳои ҷамъиятӣ аз тасмими Вазорати адлия барои маҳдуд кардани дастрасии созмонҳои иҷтимоӣ ба грант ё кӯмакҳои кишвар ва созмонҳои хориҷӣ нигаронӣ карданд.

Мӯҳр

Хабарҳои монанд:

чинди

худашон аз муассисахои байналмилалии молияви миллионхои бисёре мегиранду "обу лой" мекунанд, чаро созмонхои гайридавлатиро намемонанд??? angry

Ҷавоб диҳед Иқтибос Шикоят

Фирдавс

Ҳой созмонҳои ҷамъиятии Тоҷикистон фаромӯш накунед, ки Тоҷикистон ҳанӯз мустамликаи Русия ҳаст. Аз ин сабаб, чӯ коре Русия мекунад, ин ҳукумат ҳам рубардорӣ мекунад. Ҳамин қонун чанд вақт пеш дар русия қабул шуд (дар ончо ҳамчун ИНОСТРАННЫЙ АГЕНТ).

Ҷавоб диҳед Иқтибос Шикоят

Эзоҳ илова кунед