21 ноя 2014 11:01Тоҷикистон / Иҷтимоӣ

Ифшои фурӯши доруҳои мадҳушкунанда дар тарабхонаҳои Душанбе

Пулиси Тоҷикистон Азам Маҳмадов, сокини ҷамоати деҳоти Роҳатии ноҳияи Рӯдакиро барои интиқол ва фурӯши ҳабҳои синтетикӣ боздошт кардааст.

Вазорати умури дохилии кишвар мегӯяд, Азам Маҳмадов бо мақсади ба даст овардани фоида дар тарабхонаву марказҳои дилхушии шаҳри Душанбе ба фурӯши ҳабҳои синтетикии экстазӣ машғул будааст. Ва замоне боздошт гардидааст, ки мехост миқдори зиёди ҳабҳоро дар тарабхонаҳо ба фурӯш барорад: “Ҳангоми боздошт аз ӯ миқдори зиёди ҳабҳои синтетикии экстазӣ ёфт ва мусодира шуд”.

ВУД, мегӯяд, тибқи нишондоди гумонбаршуда, ӯ ин маводи нашъаоварро аз шаҳри Санкт-Петербургӣ Русия ба маблағи 400 доллари амрикоӣ харидорӣ намуда, дар Тоҷикистон ҳар дона ҳабро ба маблағи 20 доллар мефурӯхтааст.

Мӯҳр

Хабарҳои монанд:

Mahmadullo

Мухтарам журналистон! Кай милитсияи точик номи политсияро гирифтааст, ки дар хар расонахо политсия гуен нашр мешавад???

Ҷавоб диҳед Иқтибос Шикоят

Karim

Бародари мухтарам! Эроди Шумо аз истифодаи вожаи «полис» ба чои «милитсия» комилан дуруст мебошад. Ахёнан вакте баъзе аз матолиби «Озодагон»-ро мутолиа менамоед, беихтиёр як латифа ба ёд меояд:
Подшохи олами вахш - шер ишоратан ба хайвонот мурочиа намуда мегуяд:
- Окилу донохо як тараф ва хушгилу зебохо ба тарафи дигар саф ороянд.
Лекин маймуне дар байни онхо наметавонист мавкеи хешро мушаххас намояд, ба чониби шер назар афканда мегуяд:
- Ман хам донову ва хам хушгил, агар ба чониби донохо равам, зебогии ман зери суол хохад монд, агар тарафи зебохо рафтам, ба доногии ман машкук мешаванд. Агар ичоза хаст, банда дар васат (мобайн) карор бигирам.
«Озодагон» хам то хол макоми худро дар байни расонахои гурухии Точикистон таъйин нанамуда аст. Манзурам он аст, ки хануз тасмимгири накардааст, ки хешро ба унвони як нашрияи чидди муаррифи намояд ё ба кавли маъруф «жёлтая пресса». Чунки умдатан тамоми матолиби ба казовати муштариён ироя гардида, табиати сатхи ва чанчолсози дошта, хонандаро дучори гумрохи менамояд...

Ҷавоб диҳед Иқтибос Шикоят

Эзоҳ илова кунед