20 ноя 2014 08:58Тоҷикистон / Иҷтимоӣ / Видео / Тема дня

ВИДЕО: Раҳойии Фирӯза, “келин”-и мушовири Путин аз СИЗО ва тасмим барои "никоҳ"-и расмӣ

Фирӯза Савушкина, арӯси 31-солаи писари мушовири президенти Русия, ки бо иттиҳоми таҳдид ба куштори як ҳамватанаш боздошт шуда буд, 19 ноябр аз СИЗО озод шудааст. Фирӯза ва Юрий Глазев ба хабарнигорон гуфтаанд, ояндаи наздик ба идораи сабти асноди ҳолати шаҳрвандӣ рафта, никоҳ мекунанд.

Расонаҳои Русия мегӯянд, раҳойии Фирӯза дар пайи “оштӣ”-и тарафҳо сурат гирифтааст. Қазияи боздошти ин тоҷикдухтар аз ҷониби мақомот чандест яке аз мавзӯъҳои мавриди таваҷҷуҳи расонаҳои русист. Фирӯза, ки арӯси Юрий Глазев, писари 23-солаи Сергей Глазев, мушовири раиси ҷумҳури Русия гуфта мешавад, аз сӯи мақомоти ин кишвар бо иттиҳоми таҳдид ба куштан кардани Дилафрӯз Мирзоева, як тоҷикдухтари дигар боздошт шуд. Аснои дастгир шудан ӯ аз Юрий ҳомиладор будааст. Муноқишаи миёни Савушкина ва Мирзоева, парастори модаркалони Юрий Глазев моҳи сентябри соли равон сар задааст. Тибқи баёноти ҷабрдида гӯиё Фирӯза дар заминаи рашк ба ӯ бо корд ҳамла карда, таҳдиди куштан намудааст, вале Юрий Глазев тавониста, кордро аз дасташ бигирад. Юрий Глазев гуфтааст, он танҳо як таҳдид сари қаҳр буд ва набояд ҷиддӣ гирифта мешуд.

Ба иддаои ӯ, аризаи даъвогӣ алайҳи арӯсаш бо дахолати модараш навишта шудааст, ки бо ин роҳ мехоҳанд аз издивоҷи ӯ бо Фирӯза ҷилавгирӣ кунад. “Ин сохтакорӣ ҳаст. Бо модарам муносибати хуб надошт. Иттиҳоми нахустин алайҳи Фирӯза ин буд, ки муддати будубоши худро дар Русия тамдид накардааст. Аммо баъдан ӯро бо ҷурми ҷиноӣ муттаҳам карданд”.

Иттиҳоми писар дар ҳаққи волидайн дар ҳолест, ки дар интернет суҳбати телефонии Глазевҳо нашр шуд, ки дар он калонӣ ба хурдӣ маслиҳат медиҳад, ки ариза дар бораи раҳо кардани муттаҳам зимни тафтишот нависад: “Бо вакили дифоъ дар тамос шав. Ин ҷо раванди маъмулӣ аст. Дӯстдоштаи ту метавонад, ҳатто бо хатоиҳои имлои ариза навишта дархост, кунад, ки “чора нисбати ман зимни тафтишот бозбинӣ шавад. Ва санади дуюм нависад, ки барои тавофуқоти ҷонибҳо розиям.”

Дар ҳамин ҳол ишқи Юрийи 23-сола ва Фирӯзаи 32-сола ба гуфтаи онҳо як соли пеш, замоне, ки ин духтари тоҷик ба ҳайси хизматгор дар хонаводаи онҳо кор мекардааст, сар задааст. Аввал онҳо муҳаббати худро пинҳон доштаанд, вале баъди он, ки модари домодшаванда огоҳ шудааст, алайҳи ин ҷуфтшавии ин ду ҷавон муъхолифати қатъӣ баён кардааст.

Мӯҳр

Хабарҳои монанд:

Ҷонбобоев

Тӯйлар муборак!!!!!!!!!!!

Ҷавоб диҳед Иқтибос Шикоят

Нидо

Озодагон чи дигар проблема дар чумхури нест, ки кадом як мебахшеду хичкасбударо ин кадар думболагири мекунед. Ё хамин хичкабуда хешу таборатон хаст. Хайф бовар кунед.

Ҷавоб диҳед Иқтибос Шикоят

Мехр

Фируза ба Юрий ба шавхар мебаромадааст. Ачиб, даъват Поп ё Мулло барои никох, ё харду, ё на ину на вай.

Ҷавоб диҳед Иқтибос Шикоят

Арю

Юра мемри точики хруша бгири. Ранги Македонскиву Манас ай тувори язна мо точико фахр кнем.

Ҷавоб диҳед Иқтибос Шикоят

Саидчон аз Ёкутистон

Салом озодагон! Арвохи ба гузаштагонатон хамин расми аввалиро аз сарлавха дур кунед акалан. Охир ин ба хеч дин дуруст намебошад. Бовар кунед маро аз дидани ин гуна бешармию бехаёии духтар хам аламам меояд хам шарм мекунам. Бо зани халолии худ чунин рафтор номугосб хаст, хоса дар махзари ом. Наход то ин дарача духтари точик бе ифат бошад, ки як бедин даст дар миёни пои у гузораду боз суратгири кунад. Сад хайфи точик,точике,ки мо аз бузургонаш фахр мекунем. Оё рухи он бузургон моро суол намекунанд,ки шумо чунин занхоро ба чамъият хадя мекунед?! Бовар кунед ин нанг хаст, ин шарм хаст, ин як беобругии миллати бузурги точик хаст. ....боки дар панохи Худо.

Ҷавоб диҳед Иқтибос Шикоят

Анушервон

Мутаасиби дин наметавонад дар чомеьаи хозиразамон ва мудерн зиндаги кунад. Акди никоха новобаста аз хостахои он ё он идеология мебанданд. Никох танхо бар асоси як ,,идеология,, яьне мухаббат ва ишк баста, мешавад. Зану шавхаре, ки хамдигарро дуст доранд, ба Худованд наздиктаранд, новобаста аз он ки фаркияти имони доранд ё ранги пуст ва ё миллат.

Ҷавоб диҳед Иқтибос Шикоят

Эзоҳ илова кунед