18 ноя 2014 15:34Тоҷикистон / Иҷтимоӣ / Тема дня

Бехабар намон: Эълони қатъи об дар навоҳии Душанбе

Бо як қарори шаҳрдори Душанбе Маҳмадсаид Убайдуллоев интиқоли оби нушокӣ дар бархе кӯчаҳои пойтахт муваққатан қатъ мегардад.

Шавкат Саидов, сухангӯи шаҳрдор ба “Озодагон” гуфт, тибқи қарори мазкур бо мақсади гузаронидани корҳои таъмирӣ-профилактикии шабакаҳои обтаъминкунии Корхонаи воҳиди давлатии “Обу корези Душанбе” бо ҳадафи омода намудани истгоҳҳо ба мавсими тирамоҳу зимистони солҳои 2014-2015, оби нушокӣ аз истгоҳҳои обтаъминкунии “Фишорӣ”, “Худҷореъ”, “Ҷанубӣ-Ғарбӣ” ва “Кофарниҳон” қатъ хоҳад шуд.

Бар асоси ин қарор маҳаллаҳои Шараф, Ал-Берунӣ, Беморхонаи клиникии ҷумҳуриявии №3 ба номи Дяков, Боғи ҳайвоноти шаҳрӣ, Варзишгоҳи марказӣ (ноҳияи Сино), хиёбони Рӯдакӣ (аз кӯчаи Бухоро то кӯчаи С.Ғанӣ), кӯчаҳои М.Турсунзода, Шевченко, Шероз, С.Носир, Шотемур, Ф.Ниёзӣ, И.Сомонӣ, А.Командир, М.Холов, Л.Шералӣ, Ғ.Абдулло, Азизбеков, Озодии занон, Л.Толстой, М.Миршакар, Пушкин, Теҳрон (ноҳияи И.Сомонӣ), ки тавассути истгоҳи обтаъминкунии “Фишорӣ” об мегиранд, аз соати 22:00-и рӯзи 19 ноябр то соати 24:00-и 20 ноябр бе оби нушокӣ мемонанд.

Инчунин маҳаллаҳои Хувамбиёи боло ва поён, Шафақ, Чашмасор, Амиршоев, Заҳматобод, Саҳбо, Телман, Анзоб, Гулистон, Зайнаб бибӣ, У.Хайём ва Сари-Осиё, кӯчаҳои П.Толис, Гагарин, Сурхоб, Меҳнат, Карамов, Шевченко, хиёбони Рӯдакӣ (аз буриши кӯчаи У.Хайём то кӯчаи С.Ғанӣ), инчунин Боғи Айнӣ, Беморхонаи ҷумҳуриявӣ ва шаҳрчаи тандурустӣ (ноҳияи Исмоили Сомонӣ), маҳаллаҳои Н.Муҳаммад, Қӯрғон, Хоруғ, Баҳорӣ ва Бадахшон-1,2 кӯчаҳои Дӯстии халқҳо, А.Дониш, Истаравшан, Ҳусейнзода, Мичурин, А.Раҷҷабовҳо ва Айнӣ аз хонаи 1 то 77 (ноҳияи Шоҳмансур), маҳаллаҳои Меҳробод, Мирсаид Алии Ҳамадонӣ, Навободи боло ва поён, Буни Ҳисорак, Испечак 1,2,3, Қазоқон-1,2, Қарамишкор ва Муҳандис, шаҳракҳои 82,91,92,101,102,112, Испечак 1,2 ва Зарафшон 1,2 (ноҳияи Сино), кӯчаи Қаҳҳоров, маҳаллаҳои Равшангарон, Дарвоз, Яккачинор, Н.Қарабоев, то кӯчаи Ҷомӣ, Миралӣ, шаҳракҳои 23, 24, 41, 42, 43, 44, 45, 46 ва Маркази истеҳсоли барқу гармидиҳии Душанбе (ноҳияи Фирдавсӣ) аз соати 22:00-и 25 ноябр то соати 24:00 26 ноябр тавассути истгоҳи обтаъминкунии “Худҷореъ” қатъ мегардад.

Шаҳракҳои 43, 64, 65 ва кӯчаҳои Борбад, Фирдавсӣ (ноҳияи Фирдавсӣ), шаҳракҳои 11,12, 13, 14, 15, 31, 32, 33, 52, 53 82, 83, 84, 103, 104, Гипрозем, 80-солагии Пойтахт, кӯчаҳои Нахимов, Миралӣ, Юсуф Вафо, Котовский, Сулаймонӣ, Тургенев, Р.Набиев, маҳаллаҳои Меҳнатобод, Наврӯз, Роҳи нав, Ҳаёти нав (ноҳияи Сино), ки аз истгоҳи обтаъминкунии “Ҷанубӣ-Ғарбӣ” об мегиранд, аз соати 22:00-и 2 декабр то соати 24:00-и 3 декабр бе об хоҳанд монд.

Интиқоли об тавассути истгоҳи обтаъминкунии “Кофарниҳон” аз соати 22:00-и 9 декабр то соати 24:00-и 10 декабр дар маҳаллаҳои Гулбутта, Маърифат, Крупский-1,2, шаҳракҳои 61, 63, 64, 65 кӯчаҳои Н.Қарабоев, Қаҳҳоров, Фучик, Чайковский (ноҳияи Фирдавсӣ), кӯчаҳои Назаршоев, Қаротегин, Ховарон, Мирзобек, Зебуниссо, Чиноро-1,2, К.Хуҷандӣ, Восифӣ, Хайробод, Титов, Фучик, Коргар, Зафар, Гостелло, Улуғбек, У.Зоконӣ, Нестеров, Афзалӣ, хиёбони Рӯдакӣ, аз бинои Роҳи оҳан то Меҳмонсаройи “Пойтахт" ва қисмати кӯчаи Айнӣ, то гардиши Фурӯдгоҳ, шаҳракҳои 191, 192, Бинокорон ва ДОК (ноҳияи Шоҳмансур) қатъ мешавад.

Шаҳрдорӣ аз сокинони маҳаллаю кӯчаҳои зикргардида хоҳиш кардааст, миқдори лозимии оби нӯшокиро барои як шабонарӯз захира намоянд.

Дар қарори Маҳмадсаид Убайдуллоев раисони ноҳияҳои Фирдавсӣ - Алиев С.А., И.Сомонӣ - Қурбонов А.Ҷ., Шоҳмансур - Бобоев С.Қ., Сино - Сафаров З.А. ва директори Корхонаи воҳиди давлатии “Обу корези Душанбе” Исупов Ф.А муваззаф шудаанд, дар давраи иҷрои корҳои ба нақшагирифташуда, бо истифода аз мошинҳои обкашӣ сокинони минтақаҳои номбурдаро бо оби нӯшокӣ таъмин намоянд.

Мӯҳр

Хабарҳои монанд:

8769

Хамин корхоя тобистон мекардед намешуд

Ҷавоб диҳед Иқтибос Шикоят

салим

Он шояд барои ободи бошад аммо чарт шарх нест ки чи кор мекунанд бояд шарх диханд намешавад до хости худ коре кунан ва болои он аз мардум хакки одно до ченак мегиранд пас бояд шарх диханд ! Гуфти дустамон дар боло намешуд ки он корхо дар тобистон анчом мегирифт? Йо шояд барои саргарм Кардано мардум да хотири интихобот АСТ???

Ҷавоб диҳед Иқтибос Шикоят

Зайниддин Исломов

“Худҷореъ”-яъне чӣ? Шояд манзуратон худҷорӣ аст?

“Худҷореъ”-яъне чӣ? Шояд манзуратон худҷорӣ аст?!

Ҷавоб диҳед Иқтибос Шикоят

Эзоҳ илова кунед