14 ноя 2014 12:14Тоҷикистон / Иқтисодӣ / Тема дня

Даъвати БМ ба таҳаммулу оромӣ: Ҷаҳишҳо кӯтоҳмуддатанд!

Бонки Миллии Тоҷикистон дар пасманзари болоравии қурби асъори хориҷӣ дар кишвар бо нашри як иттилоия аз шаҳрвандон хостааст, ба ҳангомаю воҳимаҳо дода нашаванд, ки бар зарари иқтисодиёти кишвар ва буҷаи сокинон меанҷомад.

Тибқи иттилоияи ин ниҳод ҳаргуна эҳсосот ва ҳангомасозии шаҳрвандон боиси зиёд гардидани омилҳои интизорӣ мешаванд. Ба гуфтаи коршиносон ин маънои онро дорад, ки дар пайи ҳангомаҳо эҳтимол соҳибони доллар аз иваз намудани асъорашон худдорӣ кунанд ва дар натиҷа дар бозори нақд камбуди доллар ва мувофиқан ҷаҳиши якбораи қурби он сурат мегирад. Инчунин тоҷирон дар пайи норӯшаниҳо метавонанд сӯиистифода кунанду бо мақсадҳои ҳаннотӣ нархи мол дар бозорро боло баранд. Бонки Миллӣ мегӯяд, “аз ин лиҳоз, ба маълумоти шаҳрвандон мерасонем, ки оромию таҳаммул барои устувор нигоҳ доштани нархҳо дар бозор махсусан муҳим мебошад.”

Бонки Миллӣ шарҳ дод, ки болоравии қурби асъори хориҷӣ дар пайи таъсири буҳронҳои сиёсию иқтисодии кишварҳои шарики Тоҷикистон сурат гирифта истодааст ва тибқи пешгӯиҳо он муваққатӣ мебошад: “Воқеан тағйирёбиҳои қурбие, ки чанд ҳафта инҷониб дар бозори дохилии асъор мушоҳида мешавад, ки ба вазъи берунӣ- яъне таъсири бардавоми буҳрони сиёсию иқтисодӣ дар кишварҳои шарикони савдо вобаста мебошад.”

Ба иттилои манбаъ тибқи интизориҳо раванди мазкур хусусияти кӯтоҳмуддат ва муваққатӣ дошта, бо паст гардидани фишорҳои қурбӣ, нархи маҳсулоти воридотӣ чун солҳои пешин ба нуқтаи мувозинатӣ, яъне аввал бармегардад.

Ин иттилоияи Бонки Миллӣ дар ҳолест, ки дар нуқтаҳои мубодилаи асъори шаҳри Душанбе қурби як доллар то ба 5,45 сомонӣ расидааст. Аммо имрӯз, 14-уми ноябр як доллар дар бозори "Корвон" ба ивази 5,30 сомонӣ ба фурӯш гузошта шуда буд, ки дар натиҷа навбати тоҷиронро барои хариди доллар ба вуҷуд овард. Як моҳ пеш қурби доллар ҳудуди 5,12 сомониро ташкил медод. Коршиносон мегӯянд, болоравии қурби доллар барои тоҷирон замина барои боло бурдани нархҳо мешавад, зеро аксари маҳсулот дар Тоҷикистон воридотӣ буда, дар хориҷ ба ивази доллар харидорӣ карда мешаванд.

Мӯҳр

Хабарҳои монанд:

Мехр

Албатта баъзе гурухохи каллоб ба таври сунъи аз ин холат суйистифода мекунанд. Дар асл махсулот ким кай ворид шудаги, ва аз руи инсоф нест, ки точирон аз ин суд бардоранд.

Ҷавоб диҳед Иқтибос Шикоят

Даврон

Бонки Милии лутфан савсатагуиро бас кунед. Ба чои бехуда лакидан, бо вазоратхои сохаи иктисод хамкори карда махсулоти ватаниро зиед кунед. Ин ки шумо 2-3 миллион долар ба бозор мебароред аз ин ягон фоида нест. Сохибкорони точик барои моли воридотиашон садхо миллион доллар аз кишвар берун мекунанд. Вале ин, ки дар Точикистон истехсолот ба рох монда нашудааст, воридот хама вакт аз ихрочот зиед мешавад ва талабот ба пули накд (долар) зиед мешавад. Тахаммулуоромии халк ягон фоида намекунад барои он, ки пули онхо он кадар калон нест.

Ҷавоб диҳед Иқтибос Шикоят

Бонкдор

Мо хамачиро мебинем, мухтарам Ширинов чаро савсата мегуед. Пеш аз як корро кардан аввал нархи фуруши асъори хоричиро паст кунед. Мо медонем, ки паст карда наметавонед, лекин савсата мегуед.

Ҷавоб диҳед Иқтибос Шикоят

Тучор

Дируз дар сайти озоди комент навиштам чоп накард парер руз дар корвон биржа шуд бонки мили доларо ба нархи 5.38 сомони асосан ба сарофон фурухт имруз хам биржа шуд ба нархи 5.33 сомони фурухт асосан сарофон гирифта ба точирон ба нархи 5.50 фурухтанд ун чо рустам акмал шиносхои сарофон ба онхо фурухт аз кучо бадмефарояд ин долар

Ҷавоб диҳед Иқтибос Шикоят

Ширинбек

Ягона рохи пешгирии ин гуна бухронхо инба кор чалб кардани мутахасисони ин соха яъне финансистхои дарачаи умумичахони на бесаводу курсавод мо хама медонем ки аз ним зиёди коргарони бонки милли бесаводанд

Ҷавоб диҳед Иқтибос Шикоят

Фирдавс

Максад чи мешавад ?

Ҷавоб диҳед Иқтибос Шикоят

Талабшо

Як ду рузи дигар сабр кунед бонкирхо аз хар рузхои плавающий цена миллионхои муфт ба даст оварда истодаанд. сохтмони дачу хонахошона дар хорича ба анчом расонанд, нарх боз паст мефурод... ээй ин кадар мардуми бетокат будед да Шумо)))

Ҷавоб диҳед Иқтибос Шикоят

Эзоҳ илова кунед