13 ноя 2014 10:23Тоҷикистон / Сиёсат / Рӯ ба рӯ / Тема дня

Эътирози Зуҳуров аз "гурез"-и вазири молия: Ақаллан занг занад!

Шукурҷон Зуҳуров, раиси Маҷлиси намояндагони Тоҷикистон аз ҳозир нашудани Абдусалом Қурбонов, вазири молияи кишвар дар ҷаласаҳои парлумонии марбут ба ин ниҳод шадидан ибрози нигаронӣ карда, аз ӯ хост, ба ҷаласаи навбатӣ хуб омодагӣ бинад.

Зуҳуров рӯзи 12 ноябр дар ҷаласаи палатаи поёнии парлумони кишвар аз Меҳринамоҳ Ҷомаҳмадова, муовини вазири молияи кишвар хост, дар ҷаласаҳои навбатӣ худи вазир шахсан ҳузур дошта бошад. Раиси палатаи поёнии парлумони кишвар изҳор дошт, агар вазир ҷое рафтаасту бо коре банд бошад, бояд барои наомаданаш ба ҷаласаҳо аз раиси Маҷлис иҷоза бигирад: “Минбаъд ҳар масъалае, ки инҷо мешавад, шахсан ҳузур дошта бошанд. Агар ягон вазъият ё ҳолате бошад занг зада, аз раиси маҷлис иҷоза пурсанд ва гӯянд, ки дар фалонҷо ҳастам”.

Ба қавли Зуҳуров, муовинони вазирҳое ҳастанд, ки барои ҳалли аксар масъалаҳо пурра омодаанд, вале ҳузури худи вазир дар бархе масоили дигар ҳатмӣ аст, чун танҳо ӯ метавонад, ба пурсишҳои эшон посух гӯяд. Шукурҷон Зуҳуров гуфт, Маҷлиси намояндагони Тоҷикистон ҳафтаи оянда масоили марбут ба буҷаи давлатии кишварро баррасӣ мекунад ва Абдусалом Қурбонов ҳатман бояд дар он иштирок кунад: “Ба вазир расонед, ки омодагӣ бинанд ва саволҳое, ки ҳоло шуданд, боз бисёр мешаванд, барои ҳамин омода бошанд”.

Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)

Мӯҳр

Хабарҳои монанд:

Мехри

Парлумони давлати демократи бояд хамитур бошад. Чунки дар ончо такдири миллатро хал мекунанд.

Ҷавоб диҳед Иқтибос Шикоят

Сафар

Ин вазири мухтарам молия чист ва тарзи бояду шояди вазоратро холо сарфахм нарафтааст чунки вай сохтмончи аст аз ин вазир бояд нархи хишту цементро пурсон шавему бас пули мардумро оборот доданро нагз мефахмад лекин

Ҷавоб диҳед Иқтибос Шикоят

Dev

In Abdusalom Kurbonovash mardaki hub nabudaj ku , padarash haj mi?

Ҷавоб диҳед Иқтибос Шикоят

Мухиддин

Ба Сафар. Вазири молия марди кор аст ва то чое ман медонам барои у мухим на соати кориву мачлисбози, балки натича аст. ман бовар дорам, ки самараи кори у дар ин вазорати калиди ояндаи наздик чун оина рушан мешавад. Ва шумо бародари азиз, андешаатонро нисбати ин шахс тагйир хохед дод. Вакт довар аст!

Ҷавоб диҳед Иқтибос Шикоят

муштипар

Абдусалом Курбоновро гоибона хамчун инсони хуб ва реалист мешиносам. Бар падараш рахмат.

Ҷавоб диҳед Иқтибос Шикоят

Даврон

Ба Мухиддин! Мачлисбозии гуфтагиат ба маъсулиятхои хар як вазир медарояд. Хар як вазир бояд дар парлумон дар вактхои муайан хисобот диханд. Ба шумо осонтар шавад, иштироки вазир ин як ВАЗИФАИ вазир аст! Вале агар вазир ба саволхои вакилон чавоб дода натонад, ин факат айби вакил аст на ягон каси дигар. Агар вазир аз сохаи худаш бохабар набошад ва ба саволхо чавоб дода натавонад, пас хайфи вазири шавад

Ҷавоб диҳед Иқтибос Шикоят

Эзоҳ илова кунед