10 ноя 2014 15:39Тоҷикистон / Интихобот - 2015 / Сиёсат

Номаи Кабирӣ ба раиси Дастгоҳ баъди хомӯшии Убайдуллоев

Муҳиддин Кабирӣ, раиси Ҳизби наҳзати исломии Тоҷикистон (ҲНИТ) бо ирсоли як нома аз Бахтиёр Худоёрзода, роҳбари Дастгоҳи иҷроияи президенти кишвар барои баргузории анҷумани ҳизбаш толор хостааст.

Дар номаи раиси ҲНИТ ба раҳбари Датсгоҳи иҷроии президент гуфта шудааст, ин ҳизб барои баргузории анҷумани қаблазинтихоботии худ ба толоре ниёз дорад, ки ҳадди ақал тавони ҷой кардани 700 нафарро дошта бошад. Кабирӣ инчунин аз моддаи 15-и қонуни Тоҷикистон “Дар бораи аҳзоби сиёсӣ” ёдоварӣ кардааст, ки таъмини имкониятҳои баробар ба аҳзоби сиёсӣ ҷиҳати баргузории маъракаҳои интихоботиро таъкид мекунад.

Маҳмудҷон Файзраҳмонов, сухангӯи раиси ҲНИТ рӯзи 10 ноябр дар шарҳи ин хабар ба “Озодагон” гуфт, номаи Муҳиддин Кабирӣ ба раиси Дастгоҳи президент замоне ирсол гардид, ки чунин нома қаблан ба Маҳмадсаид Убайдуллоев, шаҳрдорӣ Душанбе навишта шуда буд. Ба қавли сухангӯи раиси ҲНИТ, ин ҳизб дар таърихи 30 сентябри соли ҷорӣ бо навиштани номае аз Убайдуллоев барои пайдо кардани толор кумак хост, вале бо гузашти беш аз як моҳ посухеро нагирифтааст.

Ҳизби наҳзати исломии Тоҷикистон, танҳо ҳизби расмии динӣ дар Осиёи Миёна мебошад. Ин ҳизб дорои таърихи 40-сола буда, соҳиби торнамову нашрияи худ мебошад ва ба гуфтаи масъулинаш беш аз 40 ҳазор узв дорад ва қарор аст, 16 декабри соли ҷорӣ анҷумани пешазинтихоботии он баргузор шавад.

Мӯҳр

Хабарҳои монанд:

Чунайд

Мухтарам Кабири толорро чи кор мекунед, хаво холо он кадар хунук нест дар ягон майдони кушоди шахри Душанбе чаласаатро гузаронидан гир. Агар сад мактуб хам нависи ба Шумо толор чудо намекунанд.

Ҷавоб диҳед Иқтибос Шикоят

Мехр

Толоре, ки гунчоиш ва бардошти хадди акал 700 нафар муллоро дошта бошад. Оё ин хел толор дар шахр аст.

Ҷавоб диҳед Иқтибос Шикоят

Неэмат

700 аъзо надораду вохима мекунанд. Чунайд рост мега, дар болои алаф гузаронед.

Ҷавоб диҳед Иқтибос Шикоят

таго

чунайд ва ниматиарканок шмо чи мегует як бор толор медод хукумати гаром сони медидед ки чикадар азодоштас КАБИРИ

Ҷавоб диҳед Иқтибос Шикоят

Shamsiddin

факат барой хизби нахзати ислом толор намедиханд чун ин хизб хизби нахзати исломи аст аз инчо малълум мешавад ки дар точикистони мо нафароне хастан ки ин хизб ро намехоханд хамон тур ки дар замони паёбарамон Мухаммад мустафо (сл) буд амо ин гурух харгиз ба максадашон намерасанд чун ин хизб ро тарафдораш аллох аст.

Ҷавоб диҳед Иқтибос Шикоят

Эзоҳ илова кунед