10 ноя 2014 14:22Тоҷикистон / Иҷтимоӣ / Рӯ ба рӯ / Тема дня

Афвшуда баъди 4 рӯзи раҳоӣ падарашро кушт

Мақомоти пулиси вилояти Суғд мегӯянд, Табур Ғафуров, як сокини 31-солаи ҷамоати Фондарёи ноҳияи Айнӣ, ки ахиран афв шудааст, бегоҳи 8-уми ноябр боз даст ба ҷиноят зада, падари 55-солаи худро куштааст.

Акбар Шарипов, сухангӯи Раёсати умури дохилии вилояти Суғд ба “Озодагон” гуфт, афвшуда дар пайи муноқиша бо калтак ба сари падараш задааст, ки дар натиҷа дуюмӣ дар ҷои ҳодиса ба ҳалокат расидааст. Ӯ гуфт, феълан Ғафуров дар боздошт буда, алайҳи ӯ тибқи моддаи 110, яъне қасдан расондани зарари ҷисмонӣ, ки бо марг анҷомидааст, парвандаи ҷиноӣ боз шуда, тафтишот идома дорад.

Ин сокини ҷамоати Фондарёи ноҳияи Айнӣ соли 2010-ум барои расондани зарари миёнаи ҷисмонӣ ва дуздӣ маҳкум шуда, 4-уми ноябри соли равон тибқи афви эълоннамудаи раисиҷумҳур ба муносибати 20-умин солгарди Сарқонун озод шуда буд.

Ин дар ҳолест, ки Эмомалӣ Раҳмон, раисиҷумҳури Тоҷикистон, имрӯз, 10-уми ноябр дар мулоқот бо маъмурини Вазорати умури дохилии кишвар супориш дод, ки афвшудагонро зери назорат гиранд ва барои мутобиқ шуданашон дар ҷомеа ва дарёфти ҷои кор кӯмак кунанд. Афви эълоннамудаи раисиҷумҳур 10 ҳазор маҳбусро фаро гирифта, дар доираи он ҳудуди 4,5 ҳазор нафар озод мешаванд. Маъракаи озодшавии маҳбусу муттаҳамҳо дар доираи ин афв аз рӯзи 3-юми ноябр оғоз шуда, интизор меравад, ки то 6 моҳ идома хоҳад кард.

Мӯҳр

Хабарҳои монанд:

Аслидин

Маълум мешавад ки пора супоридаанд ва авфаш карданд.Мана окибати авфи дуругини хукумат.

Ҷавоб диҳед Иқтибос Шикоят

Мехр

Садкаи номи фарзанди падар шави, Табури хаивонсират дар шакли одам.

Ҷавоб диҳед Иқтибос Шикоят

саидчон

ин фарзанди нохалаф чояш кунчи маҳбас аст

Ҷавоб диҳед Иқтибос Шикоят

Zohir

Маъракаи авф бояд дар асоси хулосаи комиссияи салохиятдор ки аз мутахассисон сохахои мухталиф махсусан табибион ташкил карда мешавад амали карда шавад. Хар як авфшуда бояд хматарафа аз санчиш гузаронида шуда баъд ба озоди ичозат дода мешуд.
Ин натичаи карори нодурусти комиссия аст

Ҷавоб диҳед Иқтибос Шикоят

Ситора

Э Бародар одамхои соку саломат 100% чои кор намеёбанд Ба ин Махбусон ки бовар мекунад чои кор медихад Ин Авф Факат ва Факат Барои Як Гурух одамони Мансабдор буд Чи ин кадар вохима мекунед АВФ шид гуфта тамоми Теливизонхои Чумхури факат ва факат АВФ ЭЛОН доранд АВФ кунед Ба Зайд Саидов Махмадрузи Искандаров АВФ кунед Чунки ин Шахсхо Хам Бегуноханд ва хам Манфиаташон ба ЧТ мерасад Асос ба халки КАМБАГАЛ бовар кунед

Ҷавоб диҳед Иқтибос Шикоят

Аскар

Офарин Ба Шумо Апаи Ситора Шумо гапи Хакро мегуед ин АВФ Факат барои 3ё4 Хукуматдор лозим буд ё барои 1ё2 Наркокурери Точикистон ки Ба ном дар Махбас Будан лекин Дар шахри Дубай бо Занхои 2 юмашон аз хисоби бародаршон кайфу сафо карда мегаштан Боз 5 мох пеш аз АВФ ба озоди баромадаанд Ба монанди Пантераи ФАРХОР Наход бо 42 кг Героин ба даст Афти боз дар 2 сол озод шави

Ҷавоб диҳед Иқтибос Шикоят

Эзоҳ илова кунед