04 ноя 2014 15:55Оcиёи Марказӣ / Тоҷикистон

Мақоми охири Тоҷикистон дар рейтинги Prosperity Index 2014

Пажуҳишгоҳи Легатум, марказаш дар Лондон, дар гузориши солонаи “Шохиси шукуфоӣ 2014” (Prosperity Index 2014)-и худ Тоҷикистонро миёни кишварҳои Осиёи Марказӣ дар зинаи аз ҳама охир нишондааст.

Ин созмон мегӯяд, дар раддабандии имсолааш, ки фарогири 142 кишвари дунё аст, Тоҷикистон мисли соли 2013 дар мақоми 94-ум қарор дорад. Бар асоси гузориши Легатум, аз миёни кишварҳои пасошӯравӣ танҳо Арманистон дар ин раддабандӣ зинаи поинтаре аз Тоҷикистонро соҳиб шуда, зинаи 95-ро муаррифӣ мекунад.

Пажуҳишгоҳи Легатум аз соли 2009 ба ин сӯ, шохиси солонаи шукуфоии кишварҳои дунёро нашр мекунад ва он аз рӯи омори иқтисодӣ, маориф, тандурустӣ, озодии шахс, амният, имкониятҳои соҳибкорӣ, мудирият ва сармояҳои иҷтимоӣ натиҷагирӣ мешавад.

Дар ин раддабандӣ Тоҷикистон аз нигоҳи иқтисод дар зинаи 118-ум, маориф - 64, тандурустӣ – 98, озодии шахс -105, амният – 59, имкониятҳои соҳибкорӣ – 107-ум, мудирият – 109 ва сармояи шахсӣ дар мақоми 64-ум қарор дорад.

Дар миёни кишварҳои Осиёи Марказӣ аз ҳама мақоми баланд ба Қазоқистон дода шудааст. Ин ҷумҳурӣ зинаи 55-умро муаррифӣ мекунад. Узбакистон дар раддаи 57 ва Қирғизистон дар зинаи 74 –ум ҷойгир аст, номи Туркманистон умуман бурда нашудааст.

Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)

Мӯҳр

Хабарҳои монанд:

Саид

Бубинед аз чихати сармояи шахси ва хам аз чихати маориф дар макоми 64-ум вале бадбахтона аз чихати мудирият чои 109. Ин далели интихоби комилан нодурусти кадрхо, дод мезанед ки кадр нест, ин омор чи мегуяд - маълум аст, ки кадр хаст, аммо он ба шумо хуш намеояд, шумо хасудед, патёраед, махалгароед, авлодгароед, аз комёбии дигарон дарун-дарун месузед, аммо намехохед ки ба чуз як махалли эфталитхо дигар мардум ба вазифа наоянд. Рисолати шумо ин аст, ки мардуми кухистонии эронитабор бояд дар Точикистон аз миён биравад. Ин мурочиати ман шахсан ба президент аст, хар кас ки метавонад хохиш бирасонад. Шуруъ аз соли нав дар самт пажухишхо шуруъ мешаванд ва чи хакикату чи ботил руи об хохад баромад.

Ҷавоб диҳед Иқтибос Шикоят

Хайтол

мутаасифона хамин гуна шарххои босаводона хеле кам дар матбуот ва пойгоххои хабарии точики ба чашм мерасад. Офарин ба хамин нафари болои намедонам то кадом андоза фикраш дуруст аст аммо босаводона ва боандеша навиштанаш кобили ситоиш ва ахсант аст.. хайтолиён хам бегона нестанд хамхуну хамрагу пайванди хамаи бакияи точикон ва эронитаборонанд аммо як каме дертар сохиби чох ва чалол шудаанд.

Ҷавоб диҳед Иқтибос Шикоят

Эзоҳ илова кунед