04 ноя 2014 09:36Тоҷикистон / Иҷтимоӣ / Тема дня

Даъват аз ҳаводорони "Ҷаҳони андеша"-и Комил Бекзода

Маҳфили “Ҷаҳони андеша”-и Комил Бекзода, файласуфи тоҷик, ки ба дунболи нашри як китобча дар бораи бехудоӣ муваққатан баста шуда буд, дубора ба кори худ идома медиҳад.

Аъзои ин маҳфил рӯзи 5 ноябри соли равон дубора гирди ҳам омада, мавзӯи “Нанотехнология ва ояндасозии Тоҷикистон”-ро баҳс хоҳанд кард. Баргузоркунандагон бо эълони соати оғози маҳфил ва ҷойи баргузории он (15:00, бинои Акадеияи улуми Тоҷикистон) аз ҳаводорони маҳфил даъват кардаанд, дар он иштирок намоянд.

Аъзои маҳфили “Ҷаҳони андеша” соли 2013 китоберо бо номи “Ҷаҳонбинии оянда” дар нашриёти “Кайҳон” ба табъ расонданд, ки аз чиҳил саҳифа иборат буда, як боби он дар мавриди вуҷуди Худо баҳс мекунад. Ин мавзӯъ танҳо баъд аз тақрибан як соли нашри ин китобча бо вокунишҳои тунди бисёре аз сокинон ва руҳониён қарор гирифт. Комил Бекзода, Нозим Нурзода, Ҳафиз Бобоёров (Холиқзода), Ёрмаҳмад Ниёзӣ, Шодибой Атоӣ, Нуриддин Шаҳобиддин, Номвар Қурбон ва Файзи Олӣ узви маҳфили “Ҷаҳони андеша” мебошанд.

Комил Бекзода, ходими Пажуҳишгоҳи фалсафа, сиёсат ва ҳуқуқи Академияи илмҳои Тоҷикистон, баҳори соли ҷорӣ дар сӯҳбат бо “Озодагон” гуфта буд, ҳадаф аз таълифи “Ҷаҳонбинии оянда”, ки бо вокунишҳои тунд рӯбарӯ шуда, ҳатто худи ӯ мавриди танқид қарор гирифтааст, зинда кардани кадом як баҳс дар ҷомеа набуда, балки он як мақолаи ҳисоботӣ дар шакли протокол мебошад.

Ходими Пажуҳишгоҳи фалсафа, сиёсат ва ҳуқуқи Академияи илмҳо афзуд, мақолаи “Ҷаҳонбинии оянда” маҳсули 20-солаи маҳфили “Ҷаҳони андеша” мебошад, ки аз тарафи ӯ ташкил шуда, мавриди мазаммати бархеҳо қарор гирифта буд: “Вақте мо маҳфили “Ҷаҳони андеша”-ро ташкил кардем, баъдан баъзеҳо гуфтанд, ин маҳфил нест, чойхонаи Бекзода мебошад. Мо тасмим гирифтем, барои барҳам задани ин нофаҳмиҳо дар шакли хулоса мақолаеро ба нашр расонда, ҷомеаро огоҳ кунем, ки дар муддати ин 20 сол мо чӣ кор кардем”.

Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)

Мӯҳр

Хабарҳои монанд:

Мехр

Ин бехид икдоми хуб аст. Мардума ба андеша ва тафакурронии ачдоди бармегардонад. Ба он чизе, ки дар давоми хазор сол зина ба зина, ачнабиён моро мархум сохта буданд.

Ҷавоб диҳед Иқтибос Шикоят

Комил

Ман гумон мекунам ки Комил Бекзода шахси ифротист махз амалхои у чавононро аз рохи дурст мебароранд

Ҷавоб диҳед Иқтибос Шикоят

Комил

Ахсан устод Комил Бекзода барои чунин махфил дар ин давре, ки фазои точикистонро, ифроту тозипаристи, чохили ва фанатизми бесаводони аз илму асли хеш бехабар тира кардааст. Кушиш кунед чунин махфилхо дар хамаи нохияву вилоятхо ташкил шаванд, то ин миллати бадоми гумрохони аблах афтодаро аз торикиву ру ба нести рахо дихед. Таърих номи шуморо бо харфхои заррин дар катори Синову Фирдавси, Чомиву Хилоли, Хофизу Руми ва г. хохад навишт.

Ҷавоб диҳед Иқтибос Шикоят

Tojık

Ислом ва таърих номашро дар баробари салмони рушди,фиръавнхо ва у баринхо бо харфхои сиех хохад навишт

Ҷавоб диҳед Иқтибос Шикоят

духтур

Магар ислом моро ба чахолат мебарад???на харгиз чунин нест!Агар чунин мебуд Эрон ба чунин пешравихои назаррас дар тамоми сохахо носил намегашт.Моро ба торикию чахолат ана хамин хел олимони беамал .ки хатто велосипед ихтироь Кар да наметавонанд.мебаранд.

Ҷавоб диҳед Иқтибос Шикоят

Усто Комил пардаи чахолатро сурох намудед, ва умедворем онро пурра медарронд. Иншооллох сафи Шумоён зиёд мешад

Ҷавоб диҳед Иқтибос Шикоят

Далер

Ҷаноби устод Бекзод ва гурҳи Ҷаҳони андеша шуд бар ин назар ҳастед ки мо барои оянда созии Точикистон талош дорем ва ин мақола заҳмати 20 солаи ин маҳфил аст. шумо ба ин мардум бигуед ки аз куҷои ин мақолаи навиштагитон ба даст меояд ки ояндаи Тоҷикистон беҳтар мешавад. шуд ба асоси як пешфарзҳои кори худатонро шуру кардед ки ҳич асос ва воқеияте надорад, оё мешавад бар асоси бевоқеият як ҳақиқате ки Тоҷикистон ва мардуми азизи он бошадро идора кунед (хулоса; ба бевоқеят мешвад воқеиятро обод кард)

Ҷавоб диҳед Иқтибос Шикоят

Эзоҳ илова кунед