31 окт 2014 11:13Тоҷикистон / Сиёсат / Тема дня

Ал Мунтасаф: Табиби тоҷикро “Ал Қоида” дуздидааст

Хабаргузории арабзабони “ал-Мунтасаф” имрӯз, 31-уми октябр бо такя ба манбаи муътамади худ хабар додааст, ки Гулия Рофиева, табиби тоҷик дар Яманро гуруҳҳои террористии “ал-Қоида” дуздидаанд.

Ин хабаргузорӣ ҳадафи рабудани Рофиева аз ҷониби “ал-Қоида”-ро нигоҳубин ва табобати ҷангиёни маҷруҳи ин шабакаи террористӣ хондааст: “Як манбаи муътамади мо, ки нахост номаш ифшо шавад, гуфт, маълумоте рӯи даст дорад, ки рабудани табиби тоҷик аз сӯи ҷангҷӯёни “ал-Қоида” ва ҳузури ӯ дар яке аз дармонгоҳҳои ин созмонро 90% собит мекунад. Ҳарчанд ихтисоси Рофиева ҷарроҳ нест, вале азбаски бо кори ҷарроҳӣ ошно мебошад, ӯро дуздидаанд.”

Ба иттилои манбаъ, задухӯрди мусаллаҳонаи ҷангҷӯёни созмони террористии “ал-Қоида" ва гуруҳи “Ҳусийюн”-и Яман, ки ахиран сурат гирифт, маҷруҳони зиёд аз ду ҷонибро барҷой гузоштааст: “Ҳусийюн” захмиёни худро ба беморхонаҳои давлатӣ интиқол додааст. Аммо азбаски ҷангҷӯёни "ал-Қоида" наметавонанд дастрасӣ ба беморхонаҳои давлатӣ дошта бошанд, онҳо барои табобати маҷруҳони худ маҷбур мешаванд табибонро ба зурӣ баранд.”

Гулия Рофиева, шаҳрванди 36-солаи Тоҷикистон, ки дар яке аз беморхонаҳои низомии вилояти Маъриби Яман кор мекард, рӯзи 29 октябр аз сӯи афроди мусаллаҳ рабуда шудааст. Расонаҳои арабзабон аз қавли шоҳидон навишта буданд, ки Рабиеваро афроди мусаллаҳи савори мошини сурх аз кӯчаи марказии назди беморхонаи низомӣ дуздиданд. То ҳол ин амалро ҳеч гуруҳе бар душ нагирифтааст ва мақомоти расмии Яман ва Тоҷикистон дар ин маврид шарҳе надодаанд.

Мӯҳр

Хабарҳои монанд:

Бечора точик хатто занаш хам дар гариби саргардон аст.То дирузаке аз кулбаи худ дур рафтан метарсид,имруз дар тамоми олам саргардон аст, имруз ки марди точик барояш шароитаке мухаё карда наметавонад сарсон аст.

Ҷавоб диҳед Иқтибос Шикоят

Мухсин

Оё Вазорати кохои хоричи ё Хукумати Точикистон нисбати ин шахрвандаш ягон чорачуе дошта бошад? Фикр мекунам на, чунки агар хазорхо шахрвандонро дуздида баранд парвое надоранд.

Ҷавоб диҳед Иқтибос Шикоят

Эзоҳ илова кунед