31 окт 2014 09:14Тоҷикистон / Сиёсат / Тема дня

“РЕН ТВ”-ро ба назди муҳоҷирон дар “Садовод” роҳ надоданд (ВИДЕО)

“РЕН ТВ”, яке аз шабакаҳои маъруфи Русия дар бораи вазъи муҳоҷирони тоҷик дар бозори “Садовод”-и Маскав гузориш таҳия намудааст, ки ба иддаои Каромат Шарипов, раҳбари ҷунбиши “Муҳоҷирони меҳнатии тоҷик” дар ҳолати ғуломӣ қарор доранд.

Ин дар ҳолест, ки ахиран Ҷунбиши умумирусиягии “Иттиҳоди муҳоҷирони тоҷик” бо нашри як иттилоия аз бозҷӯии дафтари корӣ, манзили истиқоматӣ ва бӯстонсарои раҳбарашон Каромат Шарипов хабар дода, меафзояд, ки худи Шарипов дар шуъбаи умури дохилии ноҳияи Вихино мавриди бозпурсӣ қарор гирифтааст. Ба иттилои манбаъ бозпурсию бозҷӯиҳо дар доираи парвандаи ҷиноӣ аз рӯи ҳодисаи 6-уми сентябр дар бозори “Садовод” сурат гирифта истодаанд.

Мақомоти Русия дар ин задухӯрди 6-уми сентябр миёни муҳоҷирони тоҷик ва кормандони созмони муҳофизатию маъмурини пулис Шариповро муттаҳам мекунанд, ки муҳоҷиронро ба чунин амалиёт водор месозад. Дар пайи ин даргирии 6-уми сентябр се тоҷик бо ҷароҳатҳои гуногун дар беморхона бистарӣ шуда, яке ҷарроҳӣ гардид.

Манбаъ мегӯяд, дар бозори “Садовод” ҳудуди 6 ҳазор муҳоҷири тоҷик фаъолият доранд, ки ҳуқуқашон нақз мешавад ва ҳомиёни ҳуқуқро низ ба қаламрави бозор роҳ намедиҳанд. Ҷунбиши “Муҳоҷирони кории тоҷик” меафзояд, ки қаблан Каромат Шарипов барои талошҳояш барои ҳимояи ҳуқуқи муҳоҷирони тоҷик дар бозори “Садовод” таҳдидҳои телефонӣ мегирифтааст.

Баробари ин ҷунбиши “Муҳоҷирони кории тоҷик” таъкид мекунад, ки бозҷӯии хона ва бустонсарои Шарипов аз рӯи иттиҳом ба экстремизм сурат гирифтааст. Масъулини ҷунбиш инчунин аз бархӯрди дағалонаи маъмурини рус шикоят доранд, ки бо вуҷуди бад шудани ҳоли намояндаи ҳомиладори ҷунбиш ба ӯ кӯмак накардаанд ва табиби ҳозир гуфтааст, ки “агар бемор бошад, равад дар Тоҷикистон табобат гирад.” Дар иттилоия ишора шудааст, ки эҳтимол намояндагони Тоҷикистон низ дар маърака алайҳи Каромат Шарипов даст доранд.

Фаъолони ҷунбиш ин қазияҳоро маҳкум карда, таъкид мекунанд, ки тариқи як нома аз Владимир Путин, раисиҷумҳури Русия расидагӣ ба ин қазияро талаб хоҳанд кард.

Мӯҳр

Хабарҳои монанд:

Санавбар

Офарин ба Шумо акаи Каромат Мисли шумо 100 нафари дигар дар мухочират Точикон Пуштибон дошта бошанд Чумхурии Точикистон гул гул мешкуфад

Ҷавоб диҳед Иқтибос Шикоят

Истиклол

Чавоб ба Санавбар, ин хел шахсон номи миллати точикро паст мезананд, худ сарона амборро аз худ намуда, бо мехоханд, ки кордиханда ба онхо хакки хизматашро дихад. Ин хел кор намешавад, танхо бо таври легали конуни корро бояд мухочирон баранд. Аз ин рафтори Каромат Шарипов маълум аст, ки саводи кофи надоштаст, бо ин кас рохбари чунбиши “Муҳоҷирони кории тоҷик” мебошанд. "Самозванец"

Ҷавоб диҳед Иқтибос Шикоят

saidmumin

Дуругам мешудай да хамин хел, гапош сад дар сад дуруг аст, фикри кисахай ичада, худша пиар кардестай.. одамош бо шиштиян шизофренника офарин навиштестан

Ҷавоб диҳед Иқтибос Шикоят

Эзоҳ илова кунед