30 окт 2014 11:07Тоҷикистон / Тема дня

Ҷузъиёти бозҷӯии хонаю бустонсаро ва бозпурсии Каромат Шарипов

Ҷунбиши умумирусиягии “Иттиҳоди муҳоҷирони тоҷик” бо нашри як иттилоия аз бозҷӯии дафтари корӣ, манзили истиқоматӣ ва бӯстонсарои раҳбарашон Каромат Шарипов хабар дода, меафзояд, ки худи Шарипов дар шуъбаи умури дохилии ноҳияи Вихино қарор дорад.

Ба иттилои манбаъ бозпурсию бозҷӯиҳо дар доираи парвандаи ҷиноӣ аз рӯи ҳодисаи 6-уми сентябр дар бозори “Садовод” сурат гирифта истодаанд. Мақомоти Русия дар ин задухӯрди 6-уми сентябр миёни муҳоҷирони тоҷик ва кормандони созмони муҳофизатию маъмурини пулис Шариповро муттаҳам мекунанд, ки муҳоҷиронро ба чунин амалиёт водор месозад. Дар пайи ин даргирии 6-уми сентябр се тоҷик бо ҷароҳатҳои гуногун дар беморхона бистарӣ шуда, яке ҷарроҳӣ гардид.

Манбаъ мегӯяд, дар бозори “Садовод” ҳудуди 6 ҳазор муҳоҷири тоҷик фаъолият доранд, ки ҳуқуқашон нақз мешавад ва ҳомиёни ҳуқуқро низ ба қаламрави бозор роҳ намедиҳанд. Ҷунбиши “Муҳоҷирони кории тоҷик” меафзояд, ки қаблан Каромат Шарипов барои талошҳояш барои ҳимояи ҳуқуқи муҳоҷирони тоҷик дар бозори “Садовод” таҳдидҳои телефонӣ мегирифтааст.

Баробари ин ҷунбиши “Муҳоҷирони кории тоҷик” таъкид мекунад, ки бозҷӯии хона ва бустонсарои Шарипов аз рӯи иттиҳом ба экстремизм сурат гирифтааст. Масъулини ҷунбиш инчунин аз бархӯрди дағалонаи маъмурини рус шикоят доранд, ки бо вуҷуди бад шудани ҳоли намояндаи ҳомиладори ҷунбиш ба ӯ кӯмак накардаанд ва табиби ҳозир гуфтааст, ки “агар бемор бошад, равад дар Тоҷикистон табобат гирад.” Дар иттилоия ишора шудааст, ки эҳтимол намояндагони Тоҷикистон низ дар маърака алайҳи Каромат Шарипов даст доранд.

Фаъолони ҷунбиш ин қазияҳоро маҳкум карда, таъкид мекунанд, ки тариқи як нома аз Владимир Путин, раисиҷумҳури Русия расидагӣ ба ин қазияро талаб хоҳанд кард.

Мӯҳр

Хабарҳои монанд:

Аромат

Пуштибони мухочирон бошад чун мухочирон зиндагони бикунад. Бустонсаро доштааст. Хамун Баронои лулихоро мемонад. Аз кучо пул ёфта бустонсаро харидааст? Аз хисоби мухочири бечора

Ҷавоб диҳед Иқтибос Шикоят

начот

Точики бечораву бе хона. Хар чизе ки бар номи уст , дар асл аз у "нест". Касе, ки кай вакте ки хохад вайро аз худ мекунад. Худовандо моро сохиби кун.

Ҷавоб диҳед Иқтибос Шикоят

мухочир

Бисёрихо мегуянд Каромат Шарипов бегунох аст, дустон бовар кунед гунахгор аст ки бурда махкам кардиан проста так сразу дар хонаю офису бустонсарои вай бозчуйи намекунанд.

Ҷавоб диҳед Иқтибос Шикоят

Шикорчи

У-ро бехуда махкам накардаанд.Хамагон нагз медонанд,ки ходисае дар бозори Садовод рух дода буд,ташкилотчияш Каромат Шарипов буд.Бовар кунед то ин дам ягон гапу чап набуд.хамин ки у ба бозорхои москав дохил шуд джангу джанджол сар зад.Ба гуфтаи у одамон дар онджо хамчун гулом мехнат мекунанд.Лекин мардум рафтаву омада истодаанд.пул кор мекунанд рои мекунанд,корошон хубанд,мошин мехаранд хона месозанд,джошон хуб аст.Гуфтани хастам ба муходжирон ба гуфтахояш гуш накуненд.У ба манфиати худаш факат кор мекунад.тафтишот нишон медихад ин дачаву офесу дигару дигараш аз куджо ёфтагиаст (албатта аз пули муходжирон)..

Салом бародарон!!Ин нобакор муходжирони бечорраро фиреб карда онхоро барои манфиати худ истифода мебарад .джои у зиндон аст...ба у бовар накунед.магар то ин дам ба ягон кас ёри расондааст ?-не..чун ки кучое ки рава муходжиронро корошонро дучанд вазнин мекунад.хулоса ба доми ин макор нагалтед эхтиёт кунед..боки дар амони худо..

Ҷавоб диҳед Иқтибос Шикоят

Эзоҳ илова кунед