30 окт 2014 10:11Тоҷикистон / Рӯ ба рӯ

Вакили дифоъ: Ёқуб Салим афв намешавад

Додситонии Тоҷикистон мегӯяд, қонуни нав дар бораи афв ба афроде, ки дар маҳбасанду дар гузашта ду бор ё аз он бештар афв шудаанд дахл надорад. Дар ин қатор Ёқуб Салим, собиқ вазири умури дохилӣ ва сардори гумруки кишвар низ, ки беш аз 11 сол дар боздошт аст, ном бурда мешавад.

Аз Раёсати ислоҳи ҷазои ҷиноятии Вазорати адлия ба “Озодагон” иттилоъ доданд, ки то анҷоми муҳлати ҳабси Ёқуб Салимов ҳамагӣ 1 солу 7 моҳи дигар боқӣ мондааст, аммо аз суҳбат дар бораи афви ӯ худдорӣ намуданд.

Аммо Файзинисо Воҳидова, ҳуқуқшиноси тоҷик ва яке аз вакилони дифои маъруф изҳор медорад, ки Ёқуб Салимов қаблан ду маротиба афв шудааст ва қонуни навбатии афв нисбати онҳое, ки ду маротиба афв шудаанд, татбиқ намегардад. Ба гуфтаи Воҳидова, Ёқуб Салимов аз соли 1998 мавриди афв қарор гирифта буд ва баъди он соли 2011 низ бори дувум ӯро афв намуда буданд. Ба гуфтаи ин ҳуқуқшинос дар вақти эълони ҳукми Ёқуб Салим бо назардошти авфи соли 1998 ба ӯ ҷазо таъин карданд: "Пас аз он соли 2011 боз 2 сол муҳлати ҳабсашро кам карданд.”

Файзинисо Воҳидова аз ин банди қонуни афв, ки зиндониёни қаблан ду ва зиёда аз он афв шударо озод намекунад, изҳори нигаронӣ намуда, мегӯяд, ин баробарҳуқуқии шаҳрвандонро дар мавриди ин амали башардӯстӣ зери шубҳа мебарад. Номбурда мегӯяд, қонуни афв худ як санади башардӯстона буда, бояд барбарҳукуқии шаҳрвандонро тибқи моддаи 17- и Сарқонун таъмин созад.

Қаблан Ёқуб Салимов, собиқ вазири умури дохилӣ, сардори гумрук ва сафири пешини Тоҷикистон дар Туркия, ки беш аз 11 сол боз дар боздоштгоҳи муваққати Вазорати адлия нигаҳдорӣ мешавад, бо далели адои аз чор се ҳиссаи ҳукми додгоҳ ва бад будани вазъи саломатияш аз Додгоҳи олӣ дархост карда буд, ки ӯро шартан пеш аз муҳлат озод намоянд, ки беҷавоб монд.

Додгоҳи Олии Тоҷикистон Ёқуб Салимовро 25 апрели соли 2004 ба иттиҳоми хиёнат ба ватан, нигаҳдорӣ ва тиҷорати силоҳ ва сӯистифода аз мансаб ба 15 соли зиндон маҳкум кард. Салимов аз фармондеҳони Фронти Халқӣ дар солҳои ҷанги шаҳрвандӣ буда, гуфта мешавад, барои ба сари қудрат овардани ҳукумати кунунӣ нақши умда доштааст.

Мӯҳр

Хабарҳои монанд:

Начот

Наход, ки хамин инсон аз 10 хазор чинояткор хафноктар бошад.

Ҷавоб диҳед Иқтибос Шикоят

Азиз

Афсус, ки чандин наррашерон дар занчиранду ин рубоххои хиллагар чангалро сохиби мекнанд. Аммо кандани ин занчир дур нест ва ин шерон берун меоянд.

Ҷавоб диҳед Иқтибос Шикоят

Вафодор

Ин Хоин бояд тамоман Авф нашавад

Ҷавоб диҳед Иқтибос Шикоят

Садриддин

ба фикри ман ёкуб салим дар назди конун чазояшро гирифт ва навбати он расид ки вай ба озоди барояд барои Ватани худ хизат кардааст ба хар хол Ёкуб барои фарзандонаш азиз асту халос агар озод шавад бисёр кори хуб мешуд ин корро кадоме кунад ман бовари дорам ки оллох вайро аз оташи дузахт эмин медорад бисёр корри амри хайр мешавад хам дар ислом ва хам дар назди мардум хуб мешавад тарафи озодии Ёкуб салим мебошам

Ҷавоб диҳед Иқтибос Шикоят

Давлат

Садридин Ин Ё Салимов ба Давлат ва Хукумат Хиёнат кардааст бигузор то охири умр дар Турма шинад

Ҷавоб диҳед Иқтибос Шикоят

Екуб ча

Екуб Салимов Чавонмард Чавонмард мемонад Убояд озод карда шавадь

Ҷавоб диҳед Иқтибос Шикоят

Максаджон

Екуб Салимро озод кунед бинобар сабаби хиенат каданаш барои озоди мубориза бурдааст. Ба гуфтаи мардумон вай бемор аст.

Ҷавоб диҳед Иқтибос Шикоят

Эзоҳ илова кунед