29 окт 2014 14:32Тоҷикистон / Сиёсат

Ҳушдори Маҳмадалӣ Ҳайит аз “садоҳои эътирозии радикалӣ”

Маҳмадалӣ Ҳайит, муовини раиси Ҳизби наҳзати исломии Тоҷикистон гуфтааст, агар ин бор низ ҳукумати кишвар ба ислоҳот даст назанаду интихоботи парлумонии 2015 бо тақаллуб сурат гирад, “садоҳои эътирозии радикалӣ бештар хоҳанд шуд.”

Оқои Ҳайит, ки ҳамзамон раҳбари Ситоди интихоботии ҲНИТ мебошад, ин ҳарфҳоро рӯзи 29 октябр дар суҳбат бо Ричард Лаппин, Андрей Громов ва Мария Чепурина, намояндагони Созмони Амният ва Ҳамкорӣ дар Аврупо дар шаҳри Душанбе баён доштааст.

Маҳмадалӣ Ҳаит дар идома иддаои ахири Кумисюни марказии интихоботи Тоҷикистон, ки гуфт, аз 25 тавсияи САҲА 18 –тои онро дар бораи интихоботҳои шаффоф иҷро кардааст, “хокпошӣ” ва “дағдаға” ба сокинони худу ҷомеаи байналмилал донистааст. Ӯ афзудааст, мақомоти тоҷик бештар тавсияҳоеро иҷро мекунанд, ки хеле ҷузъӣ буда, барои ташкили интихоботи шаффоф ва одилона кумак намекунанд.

“Ҳукумати Тоҷикистон аз тамоми пешниҳодҳои ҲНИТ, ҲКТ ва САҲА ба қонуни интихобот танҳо пешниҳод ва тавсияҳоеро мепазирад, ки хеле ҷузъӣ буда ва аз он барои хок пошидан ба чашми мардум ва ҷаҳон ҳангома месозад. Дар ҳоле ки чандин сол аст, ҳукумат аз қабули пешниҳодҳои асосӣ, ки тазминкунандаи интихоботи шаффоф аст, мисли дохил кардани намояндагони баробари аҳзоби сиёсӣ дар ҳама ҳавзаҳо ва участкаҳои интихоботӣ худдорӣ менамояд,”- таъкид кардааст ӯ.

Раҳбари ситоди интихоботии ҲНИТ худдории мақомот аз қабули пешниҳодҳои асосӣ ба қонуни интихоботро ба надоштани иродаи сиёсӣ дар баргузории интихоботи шаффофу демократӣ рабт додааст. Ӯ мегӯяд, мақомот дар ҳоле иддаои иҷрои 18 тавсияи САҲА-ро мекунанд, ки дар қонуни интихобот ҳеч ислоҳоте сурат нагирифтааст.

Мӯҳр

Хабарҳои монанд:

Mohsen Chavoshi

Ин Махмадали худаш хозир як радикал аст. Радикал дигар чи даркорайдар холи хозир. Аз мавкеи Радикалхо химоят мекуни дигар чи радикал мекоби?

Ҷавоб диҳед Иқтибос Шикоят

МУХОЧИР

САЛОМАТ БОШИ ЧАНОБИ ХАЙИТ , МО МУХОЧИРОН ИФТИХОР МЕКУНЕМ АЗ ОН КИ ТО ХОЛ ХАСТАНД ДАР ЧОМЕЪА МАРДОНЕ КИ АЗ СУХАНИ ХАК БАР ЗАБОН ОВАРДАН НАМЕХАРОСАН. ПАРВАРДИГОР БА ШУМО ВА НАХЗАТИЁН САБРУ ЧАСОРАТИ МУХАММАДИ НАСИБ КУНАД....

Ҷавоб диҳед Иқтибос Шикоят

Эзоҳ илова кунед