28 окт 2014 12:46Тоҷикистон / Дин ва зиндагӣ

Зарифӣ дар оромгоҳи Ганҷавӣ: Рафтанд каёну динпарастон...(АКС)

Ҳамрохон Зарифӣ, собиқ вазири умури хориҷии Тоҷикистон, зимни боздид аз оромгоҳи шоири маҳбуб, Низомии Ганҷавӣ дар шаҳри Ганҷаи Озарбойҷон аз қавли шоир ба дурандешӣ, эҳтиёткорӣ ва некномӣ даъват кардааст.

Зарифӣ бо нашри аксҳояш аз оромгоҳи Низомии Ганҷавӣ аз шаҳри Ганҷаи Озарбойҷон дар сафҳаи фейсбукияш аз қавли ин шоири форсизабон овардааст:

То накунӣ ҷойи қадам устувор,
Пой манеҳ дар талаби ҳеҷ кор.
Дар ҳама коре, ки гароӣ нахуст,
Рахнаи берун шуданаш кун дуруст.
Шарт бувад дида ба раҳ доштан,
Хештан аз чоҳ нигаҳ доштан.

ххххх

Рафтанд каёну динпарастон,
Доданд ҷаҳон ба зердастон.
Ин қавм киёну он каёнанд,
Бар ҷои каён нигар киёнанд.
Ҳампояи он сарон нагардӣ,
Илло ба тариқи некмардӣ!

Қироати шеър аз ашъори Низомии Ганҷавӣ дар ҳолест, ки Эмомалӣ Раҳмон, раисиҷумҳури Тоҷикистон зимни сафари ахири Илҳом Алиев, раисиҷумҳури Озарбойҷон дар Душанбе пешниҳод намуд, ки ҳамасола ба хотири бузургдошти Ганҷавӣ маҳфили “низомихонӣ” баргузор шавад.

Низомии Ганҷавӣ, ‎ (1141 – 1209)— шоир ва муттафаккир, яке аз устодони соҳибмактаби шеъру адаби форсу тоҷик аст, ки тамоми умрашро дар Ганҷа, порае аз Эронзамини бостон, ки имрӯз дар ҳудуди Озарбойҷон аст, гузарондааст. Падари Низомӣ Ганҷавӣ аз аҳли илм ва модари ӯ аз деҳоти атрофии Ганҷа ба қавли худи ӯ «раиси курд» буд. Низоми Ганҷавӣ аз хурдӣ аз падару модар маҳрум гашта, тарбия ва сарпарастии ӯро тағояш Хоҷа Умар ба уҳда гирифтааст.

Ёдгории ҷовидонаи Низомӣ “Хамса”-и ӯст, ки онро Панҷ ганҷ низ меноманд ва аз панҷ достон-Махзануласрор, Хусрав ва Ширин, Лайли ва Маҷнун, Ҳафт пайкар ва Искандарнома иборат аст.

Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)

Мӯҳр

Хабарҳои монанд:

saidnabi

Зарифиро хайкалашро бояд гузоранд дар Душанбе... бенихоят марди окил аст..

Ҷавоб диҳед Иқтибос Шикоят

Ғаюр

Нав хушатон ба саратон омад ми мухтарам Зарифи. Вакташ ба фикр кардан даркор буд. Шарт ми аз вазифа равад, баъд дунёро фахмед. Рафта намозотона хонда гардед,хело азоб додед одамхора. Равед тавба кунед а то худованд шуморо намебахшад.

Ҷавоб диҳед Иқтибос Шикоят

Чамшед

Баъд аз вазифа рафтан эхтиёткору хайрхох мешаванд. Дар вакти ваизфа доштан ба кадри кормандон намерасиданд акнун ки рафтанд худро гамхору эхтиёткор мехисобанд.

Ҷавоб диҳед Иқтибос Шикоят

Ahmad

Магар дар вақте вазир бyдани ин кас пораи замин ба Хитой фурухта нашyд? Имруз бо ин кас чин шyдаст ки Низомипараст шyдаст.@

Ҷавоб диҳед Иқтибос Шикоят

Сафорат

Дурандеш мебудед рутбаи дипломати ба кормандони сафоратхо дар хорич медодед то ки кадре хам бошад вазъи молиявии оилаашонро дуруст мекарданд. Мехохед дуюмбора Вазир шуда хзатогихоятонро ислох кунед!
Ҳампояи он сарон нагардӣ,
Илло ба тариқи некмардӣ!

Ҷавоб диҳед Иқтибос Шикоят

тоза кабки дарй

Офарин бар Зарифи! Меросбарони Низомии бузург мо мардумони форсигу хастем на туркони бефарханг. (мугулнажод бояд фахмида шавад на озариву турки истомбули). Хар як точик бояд Хамса-ро бихонад вагарна точики комил нахохад буд. Падари Низоми аз тотхои Ганча ва модараш аз курдхои он макон буд. ( Тот ва точик як мардуманд) Пас аз Фирдавси бузург, туркбадбинтарин (мугулбадбинтарин) абармарди ислом аст ки собит карда ки кавмхои мугулиро бад дидан аз имон аст.
Туркй сифати вафои мо нест
Туркона сухан сазои мо нест.
Хар к-аз насваби баланд зояд
Уро сухани баланд бояд.

Ҷавоб диҳед Иқтибос Шикоят

корманд

Аксхои зебо нигоххои гамхорона дорад???. Танхо аз назди бинои сохтаатон гузаштан эхтиёт кунед дилатон назад. Дурандеш. Боз хамон чилики Низомиро нашикани хамашро доред боз наафтед. Бо аксхоятон ба ёди хеч кас намерасед. Хубаш тавба карда гаштан гиред саломатиатонро эхтиёт кунед

Ҷавоб диҳед Иқтибос Шикоят

Тоҷик

Салом.

Мегум, ки мардуми мо аҷоибот мардум аст. То ба ҳол нафаҳмидед, ки баъди рафтани Зарифи сиёсати хориҷии мо бисёр ҷазир шудааст. Қати Қирғиз 1 сол мешавад ки забон як карда наметонан.

Ба фикрам баъди 2 сол мардум мефаҳмад ки чи буданашроо.

Ҷавоб диҳед Иқтибос Шикоят

хоричи

Биёед аз худатон ин кадар шахси гамхори миллат ва содик ба сиёсати имруза натарошед. дустони хиричиатон бисёр хор намешавед.

Ҷавоб диҳед Иқтибос Шикоят

Эзоҳ илова кунед