24 окт 2014 12:42Тоҷикистон / Сиёсат

Интиқоди Убайдуллоев аз таҳримҳо ва ваъдаи арзонию фаровонӣ дар бозорҳои Русия

Маҳмадсаид Убайдуллоев, раиси шаҳри Душанбе ва Маҷлиси Миллӣ, палатаи болоии парлумони Тоҷикистон дар мулоқот бо Сергей Наришкин, раҳбари Думаи давлатии Русия аз таҳримҳо алайҳи ин кишвар интиқод намудааст.

Убайдуллоев, зимни инмулоқот, ки 23-юми октябр сурат гирифтааст, “таъкид намудааст, ягон кишвар ҳаққи фармонфармоӣ ва бор кардани шартҳои худ болои дигар кишварро надорад. Ҳар кас ҳуқуқи интихоб дорад.”

Ӯ афзудааст, ки мардуми Тоҷикистон таҳримҳо алайҳи Русияро маҳкум карда, аз мавқеи ин кишвар ҷонибдорӣ мекунанд. Убайдуллоев инчунин дар мулоқот бо Валентина Матвиенко, раҳбари Шӯрои федералӣ, палатаи болоии парлумони Русия ба масъалаи ҳамгироӣ бо Русия ва узвият дар Иттиҳоди АвруОсиё дахл карда, таъкид намудааст, ки моҳиятан Тоҷикистон ҷонибдорӣ ҳамгироӣ дар қаламрави собиқ шӯравист: “Аммо мушаххасоти узвияти Тоҷикистон дар Иттиҳоди АвруОсиё омӯхта коркард хоҳанд шуд.”

Раиси Душанбе дар Маскав ҳамчунин изҳор доштааст, ки як гуруҳи кории муштарак таъсис хоҳад ёфт, ки ба омӯзиши таъминоти муътадили бозорҳои Русия бо маҳсулоти хоҷагии қишлоқи Тоҷикистон машғул хоҳад шуд. Масъалаи таъмини фаровонию арзонии маҳсулоти хоҷагии қишлоқ дар бозорҳои Русия, мавзӯи меҳварии мулоқоти Убайдуллоев дар мулоқот бо масъулини Русия буд, дар ҳоле, ки арзонию фаровонӣ дар бозорҳои худи Тоҷикистон ба назар намерасад.

Убайдуллоев ҳамроҳ бо қариб нисфи вазирони ҳукумат ва роҳбарони вилоятҳои Тоҷикистон барои баррасии ҳамкорӣ бо Русия тайи се рӯз дар шаҳри Маскав қарор дошт.

Мӯҳр

Хабарҳои монанд:

Абдулязиз

Бешармхо магар шарм намедоред комментхоро намегузоред. Шармандахои шармсори шармистон!

Ҷавоб диҳед Иқтибос Шикоят

Гурез

Махсулотхои бозорхои худамонро арзон кардед навбати бозорхои Россия шуд. Ачаб гапхо Ха

Ҷавоб диҳед Иқтибос Шикоят

А. Рустам

Окои Убайдуллоев мисли ин ки аз вазъи бозорхои худи Точикистон хабар надорад ва ё агар хабар дорад, демагог аст. Холо дар бозорхои Душанбе нархи 1 кг картошка 2 с. 70 дирам то 3 сомони, зардчома 2, 5 сомони, пиёз 2 с. 80 дирам аст. Соли гузашта дар хамин вакт 1 кг картошка 1, 5- 2 сомони, зарчома 1 - 1, 5 сомони ва пиёз 80 дирам - 1 сомони буд. Яъне афзоиши киматхои махсулоти мухимтарин дар Душанбе тайи як сол аз 150 то 300 дар сад аст. Шумо, ки бозори худро бо махсулот таъмин карда наметавонад ва аз Чину Покистон меоваред, чиро иддаъои таъмини бозори кишоварзии Русияро мекунед.

Ҷавоб диҳед Иқтибос Шикоят

хахаха

убайдулоев мардуми гарб шахрванди тчк нестан инхел гап назан нагиран ай и бад накунан тчк ро хаёлат хом аст ки мешиносад шумохона ё овозхам надоред бехтараш бетарафи кори оли хаст мон хамон гранту дигар ёрихой гарбро хурда гардед рус бо мо дуст набуд намешад

Ҷавоб диҳед Иқтибос Шикоят

Эзоҳ илова кунед