24 окт 2014 11:51Тоҷикистон / Иҷтимоӣ / Тема дня

“5 куштаю 3 маҷруҳ дар садамаҳои писари Исмат Абдуллоев”

Мақомоти Тоҷикистон аз шарҳи ду садамаи нақлиётӣ бо иштироки Раҳматулло Абдуллоев, мулаққаб ба “Рахмет”, писари Исмат Абдуллоев муовини вақти раиси КВД “Роҳи оҳани Тоҷикистон” худдорӣ мекунанд. Дар ҳоле, ки ба иттилои оҷонсии “Тоҷнюз” дар пайи ду садама бо иштироки “Рахмет” 5 нафар ба ҳалокат расида, се нафар ҷароҳатҳои вазнини ҷисмонӣ бардоштаанд.

Ин манбаъ мегӯяд, чанд рӯз пеш Раҳматулло Абдуллоев бо худрави тамғаи Lexus RX 350, рангаш сафед ба худрави тамғаи ВАЗ 21015 бархӯрда, боиси ҷароҳати вазнини ҷисмонии се нафар мешавад, ки алҳол дар беморхона қарор доранд: “Инчунин соли гузашта, ҷипи RAV 4-и Раҳматулло Абдуллоев дар роҳи Душанбе – Қурғонтеппа бо суръати баланд ба мошини сабукрав бархӯрда, боис ба марги ронанда ва 4 нафар мусофир гашта будааст. Абдуллоев он замон аз мошини чаппашудааш баромада, ба ҷабрдидаҳо кӯмак нарасонида, савори таксие ҷои ҳодисаро тарк мекунад. Баъди чанд лаҳза ба ҷои ҳодиса одамони бовариноки падари ӯ Исмат Абдуллоев ҳозир мешаванду ба таври мармуз ҷип пурра сӯхта нобуд мешавад.”

Падари “Рахмет” Исматулло Абдуллоев, муовини вақти КВД “Роҳи оҳани Тоҷикистон” аз афроди наздиктарин ба роҳбари вақти корхона Амонуллоҳ Ҳукумов ва як шахси сарватманд арзёбӣ мешавад, ки чойхонаи “Истаравшан”, тарабхонаи “Шаҳрисабз”, бустонсарои “Варзоб-Палас”, сохтмони чанд бинои нуҳошёна ва чандин котеҷҳои хушсохт дар Душанбеву Хатлон ба ӯ рабт дода мешаванд.

Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)

Мӯҳр

Хабарҳои монанд:

Ба як чиз хайронам: хамин кадар садамахо мешаванд, хеч вакт фарзандони калоншавандахо ба халокат намерасанд. Танхо мусофирони мошинхои, ки ба он бархурдаанд, мемуранд.

Ҷавоб диҳед Иқтибос Шикоят

Аз таххонаи масчид

Дар замони чохиллият барои куштори камбагалу пастнасабон аз дасти шарифу волонасабон, хукми одилона вучуд надошт. Барои марги камбагал бою олинасабон чазо намегирифтанд, вале агар камбагал ё пастнасабе боис ба марги "калон"-хо мешуд бар ивази як олинасаб чанд узви оилаи айбдоршавандаи камбагал чазо мегирифт. Баъд аз нозил шудани Куръон он нобаробари аз байн рафта буд. Таърих гувох аст,ки дар чомеае, ки зидди дини ислом мубориза рафта, мусулмонону уламои дин бекадранд, чомеаро чохили фаро мегирад. Ноадолати дар мавриди ингуна хаводис низ нишоне аз он аст.

Ҷавоб диҳед Иқтибос Шикоят

Justice

Цитата: Аз таххонаи масчид

Таърих гувох аст,ки дар чомеае, ки зидди дини ислом мубориза рафта, мусулмонону уламои дин бекадранд, чомеаро чохили фаро мегирад.

Дуруст аст.

Ҷавоб диҳед Иқтибос Шикоят

инсоф

таххонаи масчид, ин солхо хечбудагон харчи шудаанд.

Ҷавоб диҳед Иқтибос Шикоят

Шаъмигул

Сарватмандии Исмат абдуллоев факат аз ду тарабхонаву як бустонсаро ва чанд сохтмони бинохои баланд иборат нест Агар хамаашро ба хисоб гиред дар точикистон бо дороии у мумкин аст хам Рогун ва хам Сангтуда ва ду накби дигарро бе ягон мушкилот сохтан.Дар бисёрзани уро метавон дар китоби гинес навишт ...зиёда аз 41 нафар иборатанд ва аз хамаи онхо кариб ки фарзанд дорад хулас як интернати калон барои точикистон....лахзахои окибати кор давом дорад.............

Ҷавоб диҳед Иқтибос Шикоят

Шахрванд

Хеле ачиб. Чаноби оличаноб гуё ки беинсофоии авлоди "хизматгорони халк"-ро намебинаду намешунавад.
Боз амнистия медиханд, то ин ки чиноятхо бисёртар шаванд.

Ҷавоб диҳед Иқтибос Шикоят

Лутф

Аминистияро барои худашон кабул мекунанд, холо бинед да

Ҷавоб диҳед Иқтибос Шикоят

Кактус

Исмат шавхари хохари Хасани Саъдуллозода аст. Дигар коментария зиёдатист. Аз паси адолат нашавед, бехтараш аз паси зиндагиатон шавед.

Ҷавоб диҳед Иқтибос Шикоят

тт

Авлоди назиф,начиб,пок,баргузидаи Худо... Миллати факири точик пеши пои ШУМО курбон бод,,,Рахмат,ки танхо дар садама катл мекунеду холо мисли сайд намепаронед,минатдорем.банда чонибдори сиёсати хирадмандонаи шумо гуломи халкабаргуш

Ҷавоб диҳед Иқтибос Шикоят

Эзоҳ илова кунед