"Сидениям" хунолуд мешавад: “Гурез”-и ронандаҳо ва марги маҷруҳ (ВИДЕО)
Диловар Сафаров, яке аз шоҳидони садама дар суҳбат бо “Озодагон” гуфт, ҳудуди 30 ронанда дар ҷои ҳодиса қарор доштанд, вале бисёриҳо “сидениям хунолуд мешавад” гуфта, аз интиқоли ронандаи маҷруҳ ба беморхона худдорӣ намуданд: “Писари ин ронанда, ки ҳамроҳаш буд, аз ронандаҳои дигар бо гиряю зора тавалло дошт, ки падарашро ба беморхона баранд, пулашонро хоҳад дод, вале ҳеч кас розӣ намешуд. Бархе аз ронандаҳо ба хотири гурез аз интиқоли маҷруҳ ба беморхона мегуфтанд, ӯ алакай мурдааст ва ронандаҳои аксар мошинҳои гаронарзишу замонавӣ бошад, бо баҳонаи ин, ки мошинҳояшон чиркин мешавад, мегурехтанд.”
Сафаров мегӯяд, ронандаи “Rav-4” рӯи дастонаш ҷон дод ва ниҳоят ӯро дар як рӯйпӯш печонда, савори бордони “опел-караван” кардаанд. Ба гуфтаи мусоҳиби “Озодагон” садама тақрибан саотҳои 10:00-и имрӯз, 23-юми октябр рух дода буд. Ӯ афзуд, бисёре аз сокинони мо ба ҷои наҷоту расонидани кӯмак ба якдигар дар ҳолатҳои ночорӣ завқи бештар ба тамошо доранду мушоҳида аз паҳлуро афзалтар медонанд.
Ин ҳодиса дар шабакаи интернет низ баҳси бетарафӣ дар ҷомеаи Тоҷикистонро дубора зинда кард. Бархе аз фаъолони ҷомеаи шаҳрвандии Тоҷикистон мегӯянд, бетарафӣ дар ҷомеаи тоҷик ба ҳадде боло рафтааст, ки баъзан шаҳрвандон ашёву моли худро беҳтар аз ҷону саломатии афроди дигар медонанд. Дар ҳоле, ки беш аз 90 %-и аҳолии Тоҷикистон мусулмононанду дини мубини Ислом бетарафиро барои пайравони худ бадбахтӣ медонад. Сайидмукаррам Абдулқодирзода, раиси Шӯрои уламои Маркази исломии Тоҷикистон низ ахиран аз ин раванд нигаронӣ карда, бо овардани аҳодиси паёмбар (с) бетарафиро асоси бадбахтии инсон хонда буд.
Аз сӯи дигар қонунгузории Тоҷикистон низ кӯмак ба афроди ҷонашон дар хатарро талаб дораду ба нафарони саркаш муҷозот таъин кардааст. Файзинисо Воҳидова, ҳуқуқшиноси шинохтаи тоҷик мегӯяд, бар асоси талаботи моддаи 127 Кодекси ҷиноии Тоҷикистон дидаю дониста нарасонидани ёрӣ ба шахсе, ки дар вазъияти барои ҳаёт ё саломатиаш хавфнок қарор дорад ва аз сабаби хурдсолӣ, пиронсолӣ, беморӣ ё аз оҷизии худ имконияти андешидани чораҳои худмуҳофизатиро надорад ҷиноят аст: “Ҳангоме, ки шахс метавонад ба ниёзманд ёрӣ расонад, вазифадор аст, ки нисбати ӯ ғамхорӣ зоҳир намояд. Ё агар ҷабрдидаро дар ҳолати барои ҳаёт ё саломатиаш хатарнок гузоштаасту кӯмаке накардааст, бояд ҷазо дода шавад. Ҷазо барои чунин ашхос дар шакли корҳои ҳатмӣ, ҷарима, корҳои ислоҳӣ ва ғайра муқаррар шудааст.” Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2025 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | ||||
