09 окт 2014 14:13Тоҷикистон / Сиёсат

“Мавҷ”-и нави сайтбандиҳо дар Тоҷикистон. Ин бор торнамоҳои хабарӣ?

Чанд расонаи хабарӣ аз масдуд шудани торнамои худ дар қаламрави Тоҷикистон хабар додаанд.

Хабаргузории “Тоҷнюз” (Tojnews.org) ва Хадамоти хабарии Осиёи марказӣ - CA-News (www.ca-news.org) мегӯянд, дастрасӣ ба сомонаҳояшон аз рӯзи панҷшанбеи 8 октябр тавассути бархе провайдерҳо дастнорас шудааст.

“Тоҷнюз” бо такя ба як масъули Хадамоти алоқа гуфтааст, ин ниҳод ба ширкатҳои интернетрасон дастур додааст, муваққатан дастрасӣ ба сомонаҳои хабариро масдуд гардонад. “Ин тасмимро Хадамот имрӯз ба ширкатҳои фароҳамсози интернет ва ширкатҳои мобилӣ дар Тоҷикистон расондааст”,-менависад манбаъ.

Хабари масдуд шудани сомонаҳои хабарӣ дар ҳолест, ки қаблан аз дастнорас шудани наздик ба 300 торнамо, бо шумули Фейсбук, Википедиа, торнамоҳои хабарии Русия ва “сайтшиканҳо” иттилоъ дода буданд. “Азия Плюс” аз нақли бархе намояндаҳои ширкатҳои фароҳамкунандаи интернет гуфт, амри бастани сайтҳоро бо як занги телефонӣ аз Хадамоти алоқа гирифтаанд. Аммо Бег Сабурӣ, раиси Хадамоти алоқаи Тоҷикистон, ба ИТАР-ТАСС изҳор дошта, ки дар мавриди бастани шабакаҳои иҷтитмоӣ ва торнамоҳои дигар дастуре надодааст.

Бархе соҳибназарон масдуд намудани торнамоҳоро ба сару садоҳо дар мавриди гирдиҳамоии эътирозӣ дар шаҳри Душанбе марбут медонанд. Дар мавриди ин гирдиҳамоӣ, “Гуруҳи 24”-и марбут ба соҳибкори фирорӣ Умаралӣ Қувватов, ки имрӯз, 9 октябр Додгоҳи олии Тоҷикистон фаъолияташро дар қаламрави кишвар манъ кард, хабар дод. Ба иттилои ин гуруҳ гирдиҳамоии эътирозӣ 10 октябр баргузор хоҳад шуд.

Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)

Мӯҳр

Хабарҳои монанд:

душанбе

умарали кувватов магар монстр аст, ки барои у шуда торнамохоро мебастаанд?

Ҷавоб диҳед Иқтибос Шикоят

john

хамихел давом тиен мардума акибмонда мекнен. Хамика акибмондаги бас нест.

Ҷавоб диҳед Иқтибос Шикоят

Jamshed

john,
Пеш аз он ки дар бораи акибмондаги сухан гуи, якбор ба кишвархои собик Шурави назар кун ва баъд сухан намо. Аз лихози технологи ва комуникатсионию информатсиони Точикистон аз бархеи онхо пешрафтааст. Баъдан он сомонахое, ки суханони хиёнаткоронро мисли шахсони аъзои гурухи 24 нашр менамоянд, хатман бастан лозим. Онхо ба мардум ба гайр аз нотинчи чи овардаанд. Дар тамоми дунё давлатхо сомонахои нолозимро мебанданд. Точикистон низ бояд ин сомонахоро хатман бандад. Хусусан, Озоди, Азия плюс ва Озодагон.
Ин сомонахо барои Точикистон ягон фоида наовардаанд, факат мардумро ба гумрохи даъват менамоянд. Вакт хамаашро нишон хохад дод.

Ҷавоб диҳед Иқтибос Шикоят

Эзоҳ илова кунед