08 окт 2014 10:56Тоҷикистон / Иқтисодӣ / Тема дня

Боздиди Эмомалӣ Раҳмон аз модаговҳои сершир ва таваллудхона дар Хуросон

Эмомалӣ Раҳмон, раисиҷумҳури Тоҷикистон, имрӯз, 8-уми октябр дар доираи сафари корияш дар ноҳияи Хуросон аз хоҷагии зотпарварии “Саодат” ва бинои навбунёди беморхонаи марказии ноҳия дидан кардааст.

Тибқи иттилои дафтари матбуоти раисиҷумҳури Тоҷикистон, Эмомалӣ Раҳмон дар хоҷагии “Саодат”, ки феълан 120 сар модаговҳои ҷӯшо ва 132 сар гӯсола ва буқачаҳои наслдиҳанда дорад, коргоҳи коркарди ширро ифтитоҳ намудааст. Ба иттилои манбаъ хоҷагӣ бо таҷҳизоти муосир таъмин буда, баъзе модаговҳои он дар як шабонарӯз то 57 литр шир медиҳанд: “Ҳар як модагови ин ферма дар як шабонарӯз ба ҳисоби миёна 30 литр шир медиҳад. Аз модаговҳои аз ҳама сермаҳсули ин ферма дар як шабонарӯз то 57 литр шир ҷӯшида мешавад... Қисми зиёди шири ин ферма ва шири аз аҳолӣ харидоришударо барои коркард ба корхонаи коркарди шири Саодати шаҳри Душанбе мефурӯшанд.”

Раисиҷумҳури Тоҷикистон инчунин дар маросими ифтитоҳи бинои нави беморхонаи марказии ноҳияи Хуросон иштирок кардааст, ки бо 13 миллион сомонӣ гранти Олмон сохта, бо таҷҳизоти навтарини ин соҳа аз ширкати олмонии Сименс таъмин карда шудааст: “Дар ин бино шуъбаҳои таваллудгоҳ, ҷарроҳӣ ва эҳёгарии ин беморхона ҷойгир карда шуда, ҳадафи асосӣ тибқи созишномаи ҳамкорӣ миёни Тоҷикистону Олмон беҳдошти ҳифзи модару кӯдак мебошад.”

Дафтари матбуоти раисиҷумҳури Тоҷикистон мегӯяд, бо маблағгузории қариб 200 миллион сомонӣ гранти олмонӣ дар муддати кӯтоҳ бояд таваллудхонаҳои тамоми ноҳияҳои вилояти Хатлон навсозӣ шуда, бо чунин таҷҳизоти таваллуд, ҷарроҳӣ, эҳёгарӣ ва дигар хизматрасониҳои тиббӣ таъмин карда шаванд.
Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)

Мӯҳр

Хабарҳои монанд:

Танхо намоишкори

Ҷавоб диҳед Иқтибос Шикоят

Бурхониддин

Афсус, ки Президент то Кубодиён омаду ба Шахритуз не... гуфтанихо зиёд доштем. Хайр ба хамааш рохбарияти нохия гунахгор дар кариб ду соли раисиаш А.Исмоилов ягон иншооти навро сохта ба истифода надодааст. Барои худаш ду хона-Каср сохт якто даруни боги фархангии нохия манзили дигарашро дар тарафи рохе ки ба нохияи Бешкнт мебарад. назди тарабхонаи Ориён. хонахои зур.

Ҷавоб диҳед Иқтибос Шикоят

нобоварk

ба ин бовар надорам мардумаш хеле кашшок аст.

Ҷавоб диҳед Иқтибос Шикоят

Darvesh

Hamon termekse ki dar pushti surati JO istoday ba standrt javobgu nest, ham tarzi ba quvvai barq payvast va ham joi meistodash!!!!!!!!!!!!

Ҷавоб диҳед Иқтибос Шикоят

Dodomsho

Бурхониддин, Borya! brat moy shartuzihora nodida nagir mo korxonai abreshima lentasha buridani budem. PRAVDA davno on rabotaet no vse taki..... takror............... muvofiki talabi SHabakai AVVAL ))))))))))))

Ҷавоб диҳед Иқтибос Шикоят

Санавбар

Бародари гиромикадр нобоварк, мо хам хам бовар намекунем, ки дар хамин шароити вазнини иктисоди раиси нохия аз кадом хисоб яку якбора ду хона истикомати месохтаасту макомоти корупсия, прокрор ва дигар рохбарони болои худро гунгу кару кур гирифта, ба у ягон гап гуфта натавонанд

Ҷавоб диҳед Иқтибос Шикоят

Эзоҳ илова кунед