30 сен 2014 17:21Тоҷикистон / Ҷавонон ва варзиш

Алишер Тухтаев сармураббии мунтахаби ҷавонони Тоҷикистон таъин шуд

Алишер Тухтаев, сармураббии бошгоҳи “Энергетик”-и Душанбе тренери тими миллии ҷавонони Тоҷикистон (U-22) таъин шудааст.

Дар ин симмат ӯ, Маҳмадҷон Ҳабибуллоевро иваз кард, ки ҳанӯз оғози соли равон барои иштироки нокоми мунтахаби ҷавонони кишвар дар Ҷоми Иттиҳод-2014 дар Санкт-Петербург аз вазифа сабукдӯш гардида буд.

Ба ситоди тренерии Тухтаев сармураббии “Регар-ТадАЗ”-и Турсунзода Алишер Ҳақбердиев ва тренери дарвозабонҳои тими миллӣ Амоншо Содатсайров шомил шудаанд.

Тими миллии ҷавонон зери раҳбарии сармураббии нав ба сабқати интихобии чемпионати Осиё-2016 омода мешавад. Ин мусобиқа аз 23 то 31 марти соли 2015 баргузор мешавад.

Алишер Тухтаев 24 августи соли 1976 таваллуд шудааст. Ӯ дар дастаҳое ба монанди “Ситора”, “Динамо” (Душанбе), “Хуҷа Каримов” (Хуросон), “Насаф” (Қарши), “Жетису” (Қазоқистон), “Ханг Хонг Вет Нам” (Ветнам), БДА (Душанбе), “Данғара” (Данғара), “Регар-ТадАЗ” (Турсунзода) ва “Энергетик” (Душанбе) бозӣ кардааст. Дар ҳайати тими миллӣ дар беш аз 30 бозӣ ба майдон баромадааст. Иҷозатномаи тренерии категорияи “А”-и АФК-ро дорад.

Мӯҳр

Хабарҳои монанд:

патриот

ин роҳе ки ин одам тимро мебарад ба маънои ҳақиқиаш Туркистон аст

Ҷавоб диҳед Иқтибос Шикоят

Яъкуб.Душанбешахр.

Бехтарин мурабби хаст.Ин мардуми <патриот>касе интихоб шавад таънаву танкид мекунанд.Барои футболи точик танхо маблаг намерасад.Чавонони хуби хам бозингару хам мурабби дорем!!

Ҷавоб диҳед Иқтибос Шикоят

Пеле

Наход дар футбол хам точик набошад.Ин чи давлат шуд.Точикро ба масчид мекашанду турконро мехононанд!

Ҷавоб диҳед Иқтибос Шикоят

Эзоҳ илова кунед