30 сен 2014 15:47Дин ва зиндагӣ / Хабарҳои ҷаҳон
Мавлавӣ Абдулҳамид ба Обама роҳи мубориза бо терроризмро нишон дод
Ӯ дар охирин хутбаи намози ҷумъа бо зикри ин нукта, ки аз байн бурдани ҷангу хушунат бо ҷангу хушунат имкон надорад, дар хитоб ба Созмони милали муттаҳид ва абарқудратҳо гуфтааст, “муборизаи шумо поённопазир аст”.
Ба қавли Мавлавӣ, “ифротгароӣ бояд решаёбӣ шавад ва то замоне, ки маълул решаёбӣ нашавад, наметавон бо омил ва иллат мубориза кард ва ҳар иқдоме низ дар ин ҷода роҳандозӣ шавад, номуваффақ хоҳад буд”. Исмоилзиҳӣ аз раванду натиҷаи иҷлоси ахири СММ изҳори норозигӣ намуда, ибрози таассуф кардааст, ки дар ин ҳамоиш ба ҷои пайдо кардани роҳҳалҳои мусоламатомези мубориза бо терроризму ифротгароӣ ва хушунат дар ин самт аз калимаҳои таҳдидомез кор гирифтанд.
Имом-хатиби масҷиди Маккии Зоҳидон инчунин аз ҳарфҳои Барак Обама, раисиҷумҳури Амрико дар ин иҷлос бо шиддат интиқод кардааст. Ба гуфтаи ӯ, Обама дар ҳоле аз вуҷуди гуруҳҳои ифротӣ нигаронӣ дораду онҳоро бемории саратон меҳисобад, ки бузургтарин бемории саратон ва омили ба вуҷудорандаи нооромию бемориҳои дигар – Исроил дар рӯбарӯяш қарор дорад ва дар бораи ӯ ҳатто даҳан боз намекунад: “Ҳимоятҳои номуносиби қудратҳои ғарбӣ аз ин режим аслитарин решаи фасод аст. Режими кунунии Исроил дар давоми 50 рӯз дар навори Ғаззаи Фаластин беш аз ду ҳазор нафарро қатли ом карда, ҳазорон тани дигарро захмӣ намуд, чаро ин ҷиноятҳо аз сӯи дунё маҳкум нашуду аз зиёдаравии Исроил ҷилавгирӣ накарданд?”
Мавлавӣ Абдулҳамиди Исмоилзиҳӣ дар хитоб ба муборизон алайҳи терроризм афзудааст, то замони решадавонии ин падидаи номатлуб куҷо буданд, ки ҳоло садо баланд кардаанд: “Худи Шумо Ироқро ба василаи ҷангу бомбаборон дар даст гирифтед ва на танҳо сокинони ин кишварро дар канори ҳам қарор надодед, балки онҳоро душмани якдигар сохтед. Агар дар рӯзҳои аввали ихтилоф дар Сурия сулҳ бар қарор мешуд ва мардуми ин кишвар дар канори якдигар қарор мегирифтанду ба як оштии миллӣ мерасиданд, ҳоло шоҳиди ин мушкилот дар минтақа набудем”.
Имоми Масҷиди Маккӣ дар идомаи хутбааш ба шарҳи далоили ноамнии кишварҳои Ховари Миён пардохта, омили аслии нооромии ин давлатҳои мусулмоннишинро сиёсати тарҳрезишудаи Ғарб хондааст: “Далели бисёри ноамниҳо дар Ироқ, Сурия, Миср, Лубнон ва инҳирофи бедории исломию кашонидани он ба ҷангу хушунат таъмини амнияти Исроил мебошад. Ин қудратҳо мехоҳанд, мусулмонон тамоми қудрат ва тавоноии худро алайҳи якдигар истифода кунанду бо бародаркушӣ машғул бошанд, то Исроил дар амн бошад. Аммо ин сиёсат иштибоҳ аст”.
Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE) Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
