30 сен 2014 10:21Тоҷикистон / Сиёсат

ICG: Тоҷикистону Узбакистонро низ инқилобу сарнагунӣ интизор аст, агар...

Созмони байналмилалии буҳронҳо ё худ International Crisis Group, ки ба нияти ҷилавгирӣ аз даргириҳои мусаллаҳона дар ҷаҳон соли 1995 таъсис ёфтааст, бо нашри як гузориши ҷадид, танишҳои обию марзиро дар Осиёи Марказӣ заминаи нооромиҳои эҳтимолӣ хондааст.

Ба иттилои гузоришгарони созмон танишҳо дар соҳаи обу замин дар пасманзари афзоиши аҳолӣ дар минтақаи Осиёи Миёна шадидтар мегарданд, чун чораандешии самараноке барои ҳалли ин баҳсҳо амалӣ нашуда истодааст: “Мақомоти узбаку тоҷику қирғиз ба ҳам бовар надоранд ва дар ҳоли бархӯрданд. Дар ҳоле, ки аҳолӣ майли афзоиш дорад ниёз ба обу замин низ бештар хоҳад шуд. Агар соли 2000-ум дар Осиёи Марказӣ 56 миллион нафар зиндагӣ мекарданд, феълан ин нишондод 66 миллион нафарро ташкил медиҳад ва то соли 2040 20 миллиони дигар зам хоҳанд шуд.”

Ин ниҳод бештар аз Узбакистони бой аз газу нафт интиқод намудааст, ки обро бо усули куҳна барои обёрии пахта истифода мекунад, ки дар натиҷа аз 50 то 80 дарсади об барабас меравад. Ҳамчунин гузоришгарони International Crisis Group аз мушкили барқ дар Тоҷикистон зикр карда, хотиррасон намудаанд, ки маҳз мушкилоти барқ дар Қирғизистон боиси сарнагун шудани ҳукумат гардид.

International Crisis Group таъкид мекунад, ки Тоҷикистону Узбакистонро аз инқилобҳо муҳоҷирати оммавӣ ва давлатдории низоми пулисӣ наҷот дода истодааст, вале дар сурати наандешидани чораҳо барои ҳалли мушкилоти дохилӣ ва минтақавӣ эҳтимоли сар задани нооромӣ дар минтақа хеле зиёд аст. Ин созмони байналмилалӣ роҳи ҷилавгирӣ аз танишу нооромиҳо дар Осиёи Марказиро ҳамкорӣ миёни Душанбе, Тошканд ва Бишкек хондааст.

Мӯҳр

Хабарҳои монанд:

точик

Ай ватан чонам ба курбонат ба хичронат касам
Бахри мазлумону бар ашки ятимонат касам
Золимон рахме накардан бар чавону пири ту
лоласон чома ба хун бар шахидонат касам мардуми бечораат бо дарду ранчи бе шумор
бар гами бечорагону мустамандонат касам
харчиро зебо бубинам бар диёри дигарон
Ёди ман ояд зи ту бар дашту домонат касам
Сузи дарди ман зи дардат то абад дорад давом

Ҷавоб диҳед Иқтибос Шикоят

Абдухолик

Озодагон ! Барои чи шарххои навиштаи моро нашр намекунед Шумо хам ба мисли Озоди боз як Шайтони дигаре беш нестед. Шумо суханони касоне ки таърифу тавсиф мекунанд нашр мекунед, аммо шахсоне , ки хакикатро гап зананд нашр намекунед. Ман дируз навишта будам ки Ин ташкилотхои чахони худ барангезандаи бухлу кинаву хасад дар байни кишвархои Мусалмонон мебошанд. Шумо бошед нашр намекунед. Ин хел шайтонгариро бас кунед. Худро минбари Озод ном накунед. Шумо факат ба чуз фитна чизи дигаре дар байни мардум ба вучуд намеоред!!!!

Ҷавоб диҳед Иқтибос Шикоят

Эзоҳ илова кунед