29 сен 2014 16:14Тоҷикистон / Иқтисодӣ

Олимов: Ҷинпин нахустин меҳмони хонадони Эмомалӣ Раҳмон буд

Рашид Олимов, сафири Тоҷикистон дар Чин, ки аз зирактарин дипломатҳои тоҷик арзёбӣ мешавад, дар суҳбат бо “Женмин Жибао”, сершуморатарин рӯзномаи чинӣ муносиботи ду кишварро баррасӣ кардааст.

Олимов сафари ахири раисиҷумҳури Чин, Син Ҷинпинро ба Душанбе зикр карда, таъкид намуд, ки ин чорумин мулоқоти расмии ӯ бо Эмомалӣ Раҳмон, раисиҷумҳури Тоҷикистон дар якуним соли охир аст: “Муносиботи Чину Тоҷикистон ба сатҳи ҳамкории стратегӣ ворид гардиданд. Муносибот бо Чин аз афзалиятҳои ҳамкории хориҷии Тоҷикистон мебошад.”

Олимов махсусан таъкид намудааст, ки муносиботи шахсии роҳбарони Чину Тоҷикистон низ дӯстона ва дорои эътимоди тарафайн мебошанд. Дар қатори натиҷаҳои амалии муносиботи дӯстонаи ду роҳбар Олимов лоиҳаи бунёди лӯлаи гази Осиёи Марказӣ-Чин, Маркази гарму барқдиҳии Душанбе, роҳи оҳани Ваҳдат-Ёвон, Маркази аграрии технологияҳои навин, корхонаи бузурги сементбарорӣ ва дигар лоиҳаҳоро номбар кардааст, ки аз ҷониби Чин дар Тоҷикистон татбиқ мешаванд.

Барои исботи муносиботи хосаи роҳбарони ду кишвар Олимов зиёфати ғайрирасмии хонадони Эмомалӣ Раҳмонро барои Син Ҷинпин мисол овардааст: “Раисиҷумҳури Чин ва ҳамсараш Пэн Лиюан нахустин меҳмонҳо дар таъриханд, ки шахсан Эмомалӣ Раҳмон дар оилааш меҳмондорӣ кардааст. Дар муҳити ғайрирасмӣ сарони ду давлат на танҳо “корҳои оилавӣ”-ро баррасӣ намуданд, балки тавонистанд дар масоили мавриди назари ҳар ду ҷониб, ки ба манфиати ҳар ду халқу давлатанд, табодули назар кунанд. Барои Син Ҷинпин ин фурсати хуб барои шиносоӣ бо таомҳо ва анъанаҳои миллии тоҷикон буд.”

Зиёфати оилаи Эмомалӣ Раҳмон барои Син Ҷинпин, раҳбари Чин ва ҳамсараш 12-уми сентябри соли равон барпо шуда буд. Зимни сафари Син Ҷинпин ҳудуди 16 санад ба имзо расида, ба иттилои мақомоти тоҷик дар сурати татбиқи тавофуқоти ҳосилшуда Тоҷикистон ҳудуди 6 миллиард доллар сармояи мустақим хоҳад гирифт.

Мӯҳр

Хабарҳои монанд:

....

Олимов хеч аз хамон коргари комсомол буданаш намонд. Факат понт.

Ҷавоб диҳед Иқтибос Шикоят

муло

Рашидако Олимов байракбардор+пионери комсомолони асри 21. Як чахон ташаккур ба ту !

Ҷавоб диҳед Иқтибос Шикоят

камол

....,
хуни комунистиву комсомол тоза намешавад -

Ҷавоб диҳед Иқтибос Шикоят

Сунатулло Чонбобоев

ДОмулло Осими худорахмати хусури Рашид-ако зинда мебуданд, расо хурсанд мешуданд.

Ҷавоб диҳед Иқтибос Шикоят

Донишчу аз Чин

Ин Рашид Алимов аз ҳамин воҳимаҳош намонд, ки намонд дия!!
Дар Хитой ягон университет намонд ки Алимов дар он чо унвони профессор ё доктори фахрӣ нагирифта бошад.
Масхарабози дарачаи олиш ин кас.

Ҷавоб диҳед Иқтибос Шикоят

Эзоҳ илова кунед