25 сен 2014 16:16Тоҷикистон / Иҷтимоӣ

Сокинони Данғара: На дуздро нишон доданду на пули говҳоро доданд

Сокинони Данғара мегӯянд, даҳҳо говашон гум шудаанд вале мақомот то ҳол на ба онҳо муттаҳамеро нишон додаанду на маблағи говҳоро баргардондаанд.

Асомиддин Холмирзоев, сокини маҳаллаи Пушунги Данғара, имрӯз, 25-уми сентябр ба “Озодагон” гуфт, дар авҷи говдуздӣ дар Данғара, ки тобистони соли равон сурат гирифт, ду говашро гум кард: "Танҳо дар маҳаллаи мо 30 гов гум шудааст, ки ин мардумро ба ташвиш овардааст.”

Тағоймурод Ҳабибуллоев, сокини дигари Данғара, ки аз худ ва чанд ҳамсояи наздикаш 12 гов гум шудааст, мегӯяд, чунин дуздии зиёди чорворо қаблан надида буд ва он давоми се моҳи охир авҷ гирифта буд.

Сокинони ҷабрдидаи Данғара аз амали мақомот шикоят доранд, ки бо гузашти муҳлати дароз то ҳол муттаҳамеро ба онҳо нишон надодаанд ва аз говҳояшон низ дараке наёфтаанд.

Ин дар ҳолест, ки мақомоти Хатлон дар пайи авҷи говдуздӣ аз боздошти ду афсар-собиқ посбони “Қасри Миллат” дар Душанбе, Раҷабалӣ Маҳмудов ва Маҳмадзоҳир Давлатов, собиқ корманди шуъбаи сӯхторхомушкунии Шӯрообод хабар доданд, ки дар роҳи Данғара-Сарбанд ба говдуздӣ машғул будаанд.

Додгоҳи Хатлон 22-юми сентябр ин ду нафарро 10 ҳазор сомонӣ ҷаримабандӣ карда, аз боздошт раҳо намуд. Додгоҳ дар шарҳи татбиқи ин ҷазояш гуфтааст, дастандаркорон гуноҳашонро иқрор кардаанду зарари моддии соҳибони говро пардохт намуданд, нисбаташон ҷаримабандӣ татбиқ гардиду аз толори додгоҳ озод шуданд. Дар ҳоле, ки додситонӣ барои боздоштшудагон то 4 соли ҳабс талаб намуда буд.

Аммо даҳҳо сокини Данғара мегӯянд, то ҳол аз говҳояшон дараке нест ва мақомот низ аз боздошти муттаҳаме ба онҳо хабар надодаанд.
Феълан нархи як кило гӯшт дар Тоҷикистон наздики 40 сомониро ташкил медиҳад ва арзиши як гов ба ҳисоби миёна то ба 2 ҳазор сомонӣ мерасад.

Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)

Мӯҳр

Хабарҳои монанд:

гариб

Еха ин рохбаро корхонахою бощорои одамзоро тамом карданд гов дуздиро саркарданд ку е хози бисёрат бозор майдабози накунен

Ҷавоб диҳед Иқтибос Шикоят

Фархори

Ин маънои онро дорад ки макомоти пулиси Дангара бесавод хастанд. Говро дуздиданду Пулис хобу Халк дар ташвиш.

Ҷавоб диҳед Иқтибос Шикоят

аз пушинг

аз корхои дохилии дангара гуфтанд, ки говдуздро гуед, мо говхои шуморо ёфта гирифта дихем. Агар ин гунна бошад, яъне ман дуздро худам ёбам, ВКД-и нолозим чи лозим.

ОФАРИН БАРОИ ВАЗОРАТИ КОРХОИ ДОХИЛИИ ЧУМХУРИИ ТОЧИКИСТОН ВА РОХБАРИЯТИ ОН БАРОИ ЧУНИН ТАРЗИ ФАЪОЛИЯТАШОН

Ҷавоб диҳед Иқтибос Шикоят

Эзоҳ илова кунед