22 сен 2014 17:00Тоҷикистон / Сиёсат

Эълони ҳукми раҳбари “сарбурон”-и Салоҳиддин Азизов ба таъхир афтод

Додгоҳи шаҳри Маскав эълони ҳукми Никита Тихонов, яке аз роҳбарони ташкилоти миллатгароёнаи “Созмони ҷангии миллатгароёни рус”-ро, ки имрӯз, 22-юми сентябр дар назар буд, то 24-уми сентябр ба таъхир гузоштааст.

Тихонов ба даҳҳо куштор аз сӯйи зертобеонаш иқрор шуда, аз ҷумла эътироф кардааст, қатли пурсарусадои шаҳрванди Тоҷикистон Салоҳиддин Азизов дар моҳи декабри соли 2008 низ кори дасти гуруҳи ӯст.

Никита Тихонов, ки қаблан барои куштори ҳуқуқшинос Станислав Маркелов ва рӯзноманигор Анастасия Боборова ба ҳабси якумрӣ маҳкум шудааст, бо мақомоти тафтишотӣ ба созиш омада, ҷиноятҳои нави гуруҳашро эътироф кардааст.

Кумитаи тафтишотии Русия мегӯяд, гуруҳи зертобеи Тихонов аз миёнаҳои соли 2008 то моҳи марти соли 2011 дар куштори додрас Эдуард Чувашов, вакили дифоъ Станислав Меркелов, ҳомиёни ҳуқуқ-Федор Филатов, Иля Ҷапаридзе, Иван Хуторский, қаҳрамони ҷаҳон оид ба бокси таиландӣ Муслим Абдуллоев, узви гуруҳи “Черние ястреби” Расул Халилов ва муҳоҷири тоҷик Салоҳиддин Азизов даст доштаанд. Барои ҷиноятҳои нав додситонӣ барои Тихонов 20 соли зиндон ва бо назардошти ҳукми қаблӣ ҳабси якумраро талаб кардааст.

Ин дар ҳолест, ки Кумитаи тафтишотӣ аз анҷоми таҳқиқи парванда алайҳи Иля Горячев, саркардаи дигари ин гуруҳи ҷиноӣ ва дастандаркори ҷиноятҳои зикргардида хабар дода, афзудааст, ки он ба додгоҳ ирсол мегардад.

Куштори Салоҳиддин Азизов, як муҳоҷири меҳнатии 20-солаи тоҷик аз ноҳияи Шаҳритус, ки ба таври ваҳшиёна сараш аз тан ҷудо шуда буд, моҳи декабри соли 2008-ум дар ҷомеаи Тоҷикистон вокунишҳои шадидеро ба миён овард. Аз ҷумла Вазорати умури хориҷии Тоҷикистон бо пахши як нотаи эътирозӣ аз мақомот таҳқиқи ин қазияро талаб карда буд.

Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)

Мӯҳр

Хабарҳои монанд:

ДАР ЗИНДОН ПУСИДА РАВИ.

Ҷавоб диҳед Иқтибос Шикоят

Озод

Озодагон илтимос дар бораи ин калабурхои 201-ум дивизия ки як шахрванди Точикистонро вахшиёна ба катл расонидан пайгири намоед. Аз руи маълумотхо онхоро ба Руссия барои гузаронидани ташхис фиристонидаанд. Ачаб барои чи шахрвандони мо дар ончо чиноят мекунанд мо онхоро наметавонем дар ЧТ ташхис гузаронем. Мебинем онхоро дигар барои адои чазо ба мо намесупоранд

Ҷавоб диҳед Иқтибос Шикоят

Бахроми Гур

Мо нав дарак ёфтем,ки русхо дар дивизияи 201(моли хакку халоли точикон),ки соли 1992 бо чангу чанчоли болшевикони беакл гайрикуонуни ба иванхо тухфа гардид,точик куштаанд.Вакташон расид ё мехоханд,ки хамаашонро чун дигар кишвархои исломи бо калтак пеш кунем!Фаромуш насозагнд,ки мо онхоро барои кушторхои ташкилнамудаи ельцинии солхои 92-97 хеч гох намебахшем!

Ҷавоб диҳед Иқтибос Шикоят

Эзоҳ илова кунед