19 сен 2014 13:51Тоҷикистон / Дин ва зиндагӣ

Даъвати Сайид Акбар барои ҷилавгирӣ аз сафари тоҷикон ба Сурия

Домулло Сайид Акбар, муовини муфтии Тоҷикистон, имрӯз, 19-уми сентябр дар намози рӯзи ҷумъа аз сокинони кишвар хост, аз сафари фарзандонашон ба Сурия ва дигар кишварҳои даргири Шарқи Наздик ҷилавгирӣ кунанд.

Сайид Акбар бо такя ба иттилои мақомоти тоҷик гуфт, имрӯз беш аз 500 тоҷик дар ҷангҳои хориҷ, аз ҷумла Сурия иштирок доранд. Ӯ дар хитоб ба ҷавонон афзуд, “Сурия наравед, дарҳои донишгоҳҳою макотиб кушоданд, таълим гиреду ин сулҳу субботро ҳифз кунед.”

Ин дар ҳолест, ки Эмомалӣ Раҳмон, раисиҷумҳури Тоҷикистон рӯзи гузаштаи 18-уми сентябр дар мулоқот бо фаъолони Ҳизби ҳокими халқӣ демократӣ ҷангҷӯёни тоҷикро як таҳдид ба амнияту суббот хонда, ҳушдор дод, ки баъди бозгашт онҳо метавонанд, як омили нооромкунандаи вазъ бошанд. Ба гуфтаи раисиҷумҳур то имрӯз танҳо дар Сурия ҳудуди 30 шаҳрванди Тоҷикистон ҷон бохтаанд.

Раисиҷумҳури Тоҷикистон аз аъзои ҳизби ҳоким даъват намуд, ки холигиҳои фазои сиёсии кишварро пур созанд, то гуруҳҳои ифротӣ, ба монанди ДИИШ роҳ наёбанд.

Мӯҳр

Хабарҳои монанд:

Abdulloh

Дари донишгоххо кушодаги амма ришхоро кок метарошанд, пайрави кофирхоро мекунанд, на пайравии паёмбарамонро, риш мондан вочиб аст чуноне ки Паёмбар саллаллоҳу алайҳи ва саллам фармудаанд: "Бо мушрикин мухолифат кунед, ришро бигзоред ва мӯлабҳоро кӯтоҳ кунед" Дар ин ҳар ду масъала сиғаи амр овардааст ва амр ба маънии воҷиб мебошад. Тарки воҷиб ҳаром аст, бад ё масхара кардани риш куфр аст. Шайх Ибни Ҳамом дар китоби "Фатҳу-л-қадир" мефармояд: Кӯтоҳ кардани риш аз як мушт камтар он гуна ки баъзе аз ғарбиҳо ё шахсҳои муханнас (занакмиҷоз) мекунанд, ин амалро ҳеҷ кас мубоҳ (ҷоиз) нагуфтааст, яъне тамоми олимҳои уммати Исломӣ бар ин иттифоқи назар доранд, ин иҷмоъ (иттифоқи фақеҳон) худ як далели мустақил аст барои воҷиб аст

Ҷавоб диҳед Иқтибос Шикоят

абду

ба рафтани чавонони точик ва чангидани онхо дар сурия ХНИТ ташаббускор аст. Зеро гояхои ин хизб пурра дини буда, чавононро фанати дин кардааст.

Ҷавоб диҳед Иқтибос Шикоят

amin

agar dar khorij khoni ba Suriya meravi charo tu va mufti naraften.
in khel boshad tamomi tojikonro az rusiya raftan ham mand kuned
holo az rusiya bisyor rafta istodand

Ҷавоб диҳед Иқтибос Шикоят

Эзоҳ илова кунед